日本出生率近年持續徘徊低水平，一個調查顯示當地好多拍緊拖嘅男女原來處於無性狀態。夏天令人熱情奔放，正係示愛好時機，咁喺邊度表白最好呢？幻想係美麗，現實係殘酷，一個來自歐洲嘅調查發現男女嘅理想性伴數目，同現實數字大有出入。
好多人都覺得日本男人風流又好色，因為當地乃係鹹片出產大國，市場嘅消費者唔鹹濕又點會需要咁多鹹片呢？咁諗法都有道理，不過小弟就覺得想同做係兩回事，而且睇鹹片嘅時候好多時都係靠雙手或J杯解決慾火，既然靠自己都搞掂晒，仲邊度有咁多慾火去搵女伴做愛呢？事實上，日本有調查發現唔單止已婚夫婦唔願做愛，搞到生育率處於低位，就連男女朋友之間都鮮有性事，更加有唔少女性表示同男友超過3個月冇做愛。網站「Menjoy!」早前透過網上問卷訪問咗約500名成年男士，問及佢哋會同女伴有咩親密行為，結果發現上床排第三位，第二位係攬攬抱抱，而最多男人只係同女伴錫錫就算。嘩！到底係日本男人太君子，定係佢哋嘅慾火只需要攬攬錫錫就已經滿足到呢？
早前小弟約咗個女仔落酒吧，思前想後諗咗好耐終於諗到點樣同佢表白，點知喺我開口之前，佢就話已經有意中人，叫我死咗條心！阿女你好嘢！雖然小弟我衰咗，但係都真心希望各位兄弟可以喺呢個熱情嘅夏天求偶成功，至於喺邊度表白成功率最高呢？一個日本調查就顯示，37.8%受訪男性話同女仔去海邊散步時表白而取得成功；其次有29.6%男仔表示喺煙花大會上表白成功，佢哋話女仔好鍾意睇煙花，喺煙花漫天嘅情況之下表白，女仔會覺得好浪漫，成功率自然大增；第三位係自駕遊，將車停低之後向對方表白嘅成功率有19.6%，受訪男士話同處車廂令雙方感覺更親密，自然容易成功喎。
好多朋友知道我嘅工作其中一個範疇係介紹AV，都以為我份人好鹹濕，更加以為我成日出去滾，因而令好多女仔刻意避開我。古語有云：「身在胡邦心在漢」，我寫AV文章只係為興趣，本身係一個正經八百嘅正人君子，係佢哋誤解咗我。其實，男女之間亦有好多誤解發生，網站The Superdrug Online Doctor早前就訪問咗2,000名來自英國同部分歐洲國家嘅成年男女，了解佢哋嘅性伴數字。調查結果發現，受訪女士平均最多有14個性伴，而男士平均最多有15個，不過呢個只係佢哋嘅理想數目，咁實際數字又點呢？答案係女性平均有7個性伴，男士則只有6.5個。男女相處時有所爭執，好多時都因為介意對方過去嘅性伴數目，大家喺鬧交之前參考一下是次調查，再深思一下有冇喺思想上「老屈」對方。
撰文：賢