真係諗極都唔明，點解美國女神脫星Tori Black要出此下策玩陪瞓！事緣Tori姐同網站合作搞比賽活動，網友只要拍攝一分鐘短片，主題係你與Tori Black點樣度過一日，咁就有機會贏得同女神食玩瞓24小時。點解Tori姐要咁做呢？佢話呢行真係搵唔到真心伴侶喎！
脫星陪食陪玩唔係新鮮事，美國四仔界不時有，連俄羅斯早前都玩過，但通常要係脫星網站會員至有得玩或者有四仔廠贊助，而今次比較特別，皆因除咗有超級女神Tori Black坐鎮，仲要係一個潮流網站「We Are Famous」發起，活動名簡單直接叫「Win A Day With Tori Black」，參加辦法仲簡單，只要年滿18歲，男女不拘，拍攝一段1分鐘短片，內容講述Tori Black點樣陪你度過一日，之後大會從中選出最具創意嘅作品，勝出者可以到洛杉磯同女神Tori玩足24小時，期間有工作人員尾隨拍攝。網站仲表示，當日發生乜嘢事，完全係勝出者同女神嘅意願，咁即係執劑都有機會啦！至於落選嘅參賽者就可以獲得女神親筆簽名海報，叫做好過冇啦！
呢單料一出，美國巴打好似癲咗咁，好多網友喺討論區表示已火速製作短片，及詢問網友拍攝內容意見，極之渴望同女神玩一日。但亦有網友懷疑係網站搞噱頭引人注目，事關以Tori姐今時今日嘅地位，根本毋須靠咁嘅比賽嚟谷人氣。又啱喎，呢個網站「We Are Famous」又唔係好Famous，細佬仲喺網站發現佢哋自稱「次文化」，主打18至25歲後生仔女娛樂及潮流玩意，開創一個平台同社會上有影響力嘅人合作，但講鹹又冇佢份囉！反而Tori姐係連續兩屆AVN Female Performer of the Year Awards得主，呢個紀錄至今都未有人打破，加上阿姐淡出幕前，全力向四仔導演進發，點解要咁高調為網站拍片呼籲網友參加呢？真係唔明，但有興趣嘅就唔好諗咁多喇，因為Tori姐段宣傳片極具挑逗性，即使只係着一件頭泳衣坐喺池邊吹水，但聽見佢把淫聲同所講嘅對白，令人好似睇緊佢表演自摸咁吸引，仲有佢個樣仲後生過初入行嗰陣，唔通女神真係唔識老嘅？
撰文：祖