業內人士通常都有着數，好似喺日本AV界工作嘅朋友咁，AV碟未出街佢哋可以先賭為快，日本AV達人東風克智亦率先欣賞一系列將於9月1日推出嘅新碟。不過，克智哥今次唔係為咗一己私欲咁簡單，而係品評一下呢批即將角逐AV OPEN 2016女優部門獎項嘅精彩AV作，等我哋AV迷投票選出心水作品嘅時候有更多依據。
老實講，小弟希望本地嘅頒獎禮可以學吓日本AV界幾個大型頒獎禮咁由網友投票，人人都有份參與唔再係小圈子選舉，咁咪唔會有咁多爭拗囉！之不過，改由網友投票唔代表班業界人士冇咁多煩惱，好似日本知名AV達人、自稱一年睇幾百部AV嘅東風克智就表示睇到眼花喇！將於11月中舉行嘅日本AV界最大型頒獎禮AV OPEN 2016，早前一次過公開咗87部入圍角逐各個部門獎項嘅AV作品名單，而東風克智獲得大會邀請率先欣賞呢87部喺9月1日至派街嘅作品，好讓佢品評一番，克智哥要喺短時間內睇晒咁多部AV，唔睇到眼花都幾難啦！
東風克智身負重任，故一收到87部AV作品之後，就將之分門別類，再日以繼夜咁不停睇呀睇，仲話欣賞過程中冇睇漏過一場戲，專業精神值得敬佩。而克智哥最先睇嘅係角逐女優部門獎項嘅9部作品，佢有感而發咁話女優部門集合咗極具實力同潛力嘅AV女優，今次嘅比賽好似G1格鬥賽咁雲集最頂尖高手一樣競爭激烈。
克智哥表示睇形勢嚟講，由寫真界跳入AV界，有「寫真界救世主」之稱嘅高橋聖子，甜美又好波，下海頭炮作品《寫真界四天王 AV Debut》更一度賣斷市，今次聖子電擊移植到AV名廠Moodyz，推出參賽作品《G奶完璧Body 高橋聖子 Moodyz AV初次亮相》將其最誘人一面以及有進步嘅性技呈現，比前作層次又再高一級，奪冠機會高！
不過，老將亦唔輸蝕，今年榮獲Sky PerfecTV成人放送大賞2016「最優秀女優獎」、「富士晚報獎」、「作品獎」以及「Sky PerfecTV成人獎」四個大獎嘅初美沙希實力非凡，喺參賽作品《釣魚笨蛋叔叔日記》當中，花咗好多時間同心機隨漁船出海釣魚，仲要喪溝班麻甩阿叔，精彩激戰就欠奉，但係有新意又夠誠意，應該會得到好多AV迷垂青。
克智哥話其餘作品亦相當有睇頭，例如代表Alice Japan嘅新人玲央奈，喺處女作《玲央奈何者？》中，表現出上乘性技，克智哥大讚其技巧猶如一位經驗豐富嘅老練女優。另外，代表E-BODY推出《本物I CUP藝能人》嘅八神沙織胸大又俏麗，單係睇佢副偈就覺得佢同格鬥遊戲《拳王》中嘅八神庵一樣戰鬥力超強，事實上沙織亦一顯身手，特別係強烈嘅床上反應最值得細味。
AV廠MAXING嘅參賽作品就搵由愛可奈主演嘅《越過了親屬的一條線》，扮演親切大姐姐情挑一班後生仔，場面溫馨又真摯動人。AV廠IdeaPocket派嚟參賽嘅新人相澤南，其作品《FIRST IMPRESSION 103》以密集嘅性愛場面取勝，相澤南仲表演震撼視覺嘅潮吹功夫，一定令AV迷睇到拍爛手掌。至於同樣由四位女優演出嘅《癡女閨房樂園》以及《爆奶無罩女子社員中出一夫多妻勤務》以大堆頭同引爆獸性嘅混戰場面為賣點，克智哥話場面的確精彩，但係凸顯唔到各個女優嘅長處。而最具特色都係SOD推出嘅《飛鳥玲 AV debut》，克智哥話呢部作品大玩穿越時空再加奇幻元素，將SOD全盛時期嘅玩嘢手法一一呈現，加上飛鳥玲呢個新面孔，作品可謂睇頭十足。克智哥講到套套都咁好睇，咁即係揀邊套好呀？
撰文：賢