《Pokémon GO》席捲全球，人人爭住上街捉精靈，隻Game仲製造咗唔少商機添！情趣用品公司Geeky Sex Toys就趁勢推出四款成人限定玩具，名為「Pokémoan」（呻吟寶貝），唔使捉畀錢買就有得玩，生產商仲話當你無聊等精靈現身時可以攞佢出嚟打發時間，真係乜水都畀佢抽乾呀！
矽膠棒頂部係個洋葱頭，一睇就知道係精靈「奇異種子」啦！雖然佢嘅造型怪啲，又醜醜哋，但不知討得幾多女用家嘅歡心，話佢夠可愛。最粗直徑有5cm，最細部位都有3.5cm，有成16cm，同坊間加大碼矽膠棒差唔多，唔知精靈粉絲會唔會儲番支呢！
名稱：Bulby
售價：HK$538
「小火龍」矽膠棒會唔會令你慾火焚身？咁就要揸過上手試過先知喇，全長18cm，最粗部位有4cm，根本係一支「大號」玩具，仲要將火焰尾巴變咗做棒頭，好搞嘢！
名稱：Charmy
售價：HK$538
港譯車厘龜嘅精靈造型夠晒得意可愛，事關佢頭十分圓，龜殼十分硬，變咗性玩具原來仲過癮，因為棒身有個龜殼，就算唔好玩，賣相都夠搞笑啦！長14cm，闊4cm，初哥用家都啱玩呀！
名稱：Squirty
售價：HK$538
雖然官方最終採用國語譯名皮卡丘做中文名，但港人都仲係鍾意叫比卡超感覺親切啲，紅色面珠，黃中帶啡色紋，加一條閃電尾巴，趣怪得嚟夠可愛，深得小朋友同女性喜愛，難怪惡搞成性玩具都要與別不同，招牌閃電尾巴製成後庭塞，長4cm，直徑2.5cm，官方強調係完美尺寸！
名稱：Piky
售價：HK$390
惡搞卡通角色Geeky Sex Toys都唔係第一次o架啦，早年佢已經玩過《美少女戰士》，將佢哋嘅「武器」變成性玩具，表明宗旨係要將受歡迎嘅動漫唔再局限於幻想，而係變成現實，會無止境咁玩落去喎！
《Pokémon GO》熱潮勁，連帶AV都受惠，早前Pornhub公布數據顯示，於網站內搜尋相關色情片的數字增加136%，年齡以18至24歲佔最多，比其他年齡層多約33%。網站更估計，當遊戲喺全球市場推出後搜尋數字會爆升，唔怪得相關情趣用品都急急腳推出市場啦！
撰文：祖