大型國際運動會舉行在即，大家的焦點自然落在一眾運動員身上，唔好以為運動員就一定虎背熊腰、手臂粗過我大髀，其實運動界都不乏靚女，好似喺AV界，就有好多運動員出身嘅女優，有啲甚至屬國家級添！呢類女優，通常都以「身手」取勝，假如佢哋都齊齊搞個國際性運動會，吸睛力肯定爆燈。
擁有AV界「第一女長人」美譽嘅內田真由，身高達180厘米，有AV界「赤木剛憲」之稱。憑住咁嘅身高，唔打波真係嘥晒，而事實上佢於2010年出道前，真係一位排球選手，只係礙於球技冇乜突破，加上長年征戰搞到周身傷關係，故此最後決定退隊。退隊之後，咁啱獲得AV片廠ROCKET嘅邀請，於是就咁成為咗AV女優。
正所謂Nothing is impossible，喺2015年日本AV片廠Muteki介紹當時嘅新進女優片平茜時，指佢係國家隊韻律泳選手，仲要喺世界大賽中奪冠時，嚇咗唔少人一跳。不過大家都知AV片廠愛吹水，實情又係咪咁呢？
原名飯田咲紀嘅片平茜，雖非世界冠軍，但佢確係日本韻律泳國家隊嘅隊員。喺2009年，當時係個18歲高中生嘅佢，參加咗喺意大利羅馬舉辦嘅世界游泳錦標賽。其後成為一位普通OL嘅佢，因嚮往鎂光燈下嘅生活，於是毅然投身AV界。
喺AV界中有位曾經同被譽為日本乒壇天才少女嘅福原愛對戰過嘅女優，佢就係喺1996年2月22日出生嘅猫田莉久。佢曾於日本全國乒乓球賽中，獲得第8名嘅佳績。喺佢出道之初，片廠就標榜佢乒乓球選手嘅身份。其實除咗佢嘅身份夠特別外，身材亦相當有睇頭，5呎1吋嘅身高卻擁有37H嘅上圍，令到本來超養眼嘅巨乳更增視覺效果。
喺2007年4月出道嘅佐伯奈奈，曾就讀體育大學並專攻羽毛球，仲報稱擁有日本女子大學羽毛球界全國排名第二嘅實力！佢稱之所以拍AV，係為咗推廣不受重視嘅羽毛球，同時又希望喺體能最好嘅情況下，留下美好嘅回憶，感覺好似幾偉大。
2007年出道嘅蜜井桃華，經常喺AV中飾演柔道家，而現實中佢不但係位擁有黑帶實力嘅柔道高手，更係一位柔道教練。佢喺日本AV片廠SOD嘅作品《現役柔道家衝擊的AV演出》中，便將本身嘅柔道實力展現出嚟，更同摔角高手兼超人氣AV男優「朱古力波」向井裕激戰添。
撰文：魂