香港人日日都面對咁多挑戰以及外來刺激，感受到刺激愈多，官能愈容易麻木，好似小弟咁，成日都睇AV，有時真係睇到冇晒感覺，所以久不久都會睇吓色情小說，從文字當中尋找另一種刺激！如果大家同小弟一樣，今日介紹嘅兩本寫真集同一本工具書就啱晒你哋欣賞喇！
以前成日睇到內地樓盤廣告話：「一生起碼豪一次。」講到豪，小弟又點止一次咁少，同女仔食飯次次都係豪飲豪食以及豪花大量銀両啦！雖然最後冇幾多個女仔可以追到手，但係至少都叫做喺女仔面前威過，換來一番讚美吖！最近日本寫真界就有位冠軍級人馬「豪」一次畀大家，想必換來男觀眾一片掌聲，因為此「豪」乃豪放也！
早瀨彩擁有5呎7吋高挑身材，兼且有一副葫蘆形曲線胴體，加上嬌俏甜美嘅面孔，令佢上年喺日本賽車女郎大賽榮獲最優秀新人獎以及「The Queen of The 14-15」嘅榮譽。早瀨彩得獎後人氣爆升，當然要趁機會大展拳腳啦！上年就強攻寫真界推出寫真映像作品《あやとり》，最近再下一城推出寫真集《PERFECT》。雖然呢本係早瀨彩首本個人寫真集，但係彩妹完全冇收收埋埋，除咗三點之外，幾乎將其婀娜體態完全展露出嚟，更嚟個裸背演出，甚至赤裸上半身只用雙手掩胸，表演豪放兼且激情四射！
書名：《PERFECT》
售價：約HK$236
咩叫戀物癖拍戀物癖？即係一個有戀物癖嘅攝影師同一個有戀物癖嘅Model影寫真囉！唔好以為係廢話，事實上有好多唔係戀物嘅Model同非戀物攝影師合作，推出所謂戀物寫真「口架」！而讀者梗係睇唔出當中分別，但行內人就睇到火都嚟，所以呢班人抵唔住頸要企出嚟，推出呢本寫真集《GirlWorld2》。由一位喺業界非常有朵嘅攝影師Scott Church操刀，佢嘅作品經常出現喺多本權威雜誌或網站內，當然佢最架勢係裸體藝術攝影，而今次佢就推出第二本戀物寫真集，衫褲鞋襪、綑綁戀足都有出現，當中最令人期待嘅Model係美國有戀物女王之稱嘅Roxie Rae，阿妹自稱喺業界浸淫多年，經常出席戀物博覽會兼分享心得，雖然阿妹唔係索到爆，架生亦唔係超勁，但係佢粉絲無數，今次係應好友之邀拍寫真集，此外仲有50位戀物女模畀你睇個飽，唔係幾舊水真係搵鬼買呀！
書名：《GirlWorld2》
售價：約HK$468
乜話！女人都可以射精？相信唔少人睇到呢個書名時都會有咁嘅反應。曾著有《男性多重高潮》（Male Multiple Orgasm）嘅性學專家Somraj Pokras同《更火辣的性，更深層的愛》（Hotter Sex Deeper Love）嘅作者Jeffre TallTrees聯合著作《女性射精：極致的G點高潮》中，就同大家講女人唔單止可以射精，仲教導大家點樣令女性出現呢種神秘嘅高潮反應。兩位經驗豐富嘅性學專家指出坊間普遍存有一個錯誤訊息，認為只有少數女性有能力喺高潮來臨嘅一刻射精，而事實上只需要正確嘅愛撫方法，令全身都能夠享受到性愛歡愉時，每個女性都可以到達呢個高潮境界。佢哋透過深入淺出嘅方法及詳細嘅步驟，指導男女之間點樣給予同接受刺激，到達不可思議嘅G點，最後獲得前所未有嘅快樂頂峰。
書名：《女性射精：極致的G點高潮》
作者：Somraj Pokras、Jeffre TallTrees
譯者：江欣怡
售價：約HK$80
撰文：賢、祖、魂