究竟美少女同熟女之中，邊種類型嘅女性會更受歡迎呢？相信冇人可以畀到確實答，事關前者青春可人，後者女人味十足。如果鍾情後者嘅話，有位日本成人漫畫家唔可以唔識，佢就係擅長熟女題材嘅梁川理央。想知佢筆下嘅熟女有幾誘人，就唔可以錯過佢嘅代表作《Ero Tissue Paper》。
早喺上世紀90年代已活躍於漫畫同人圈嘅梁川理央，不但有畫少年向漫畫，亦有唔少成漫作品。機緣巧合下，於1998年開始喺成人漫畫月刊發表作品，不但正式宣告出道，仲先後喺《COMIC MUJIN》、《COMIC LO》、《ACTION PIZAZZ》等成人漫畫月刊連載。不過初出道時，佢嘅畫工同唔少新人一樣，有着身體比例奇怪、容易變形、構圖過於平面等問題，幸好經過大量創作後，畫工有着極大變化。除咗人物同背景變得精細之外，線條嘅運用更恰到好處，最令人意外嘅係雖然佢係位女性漫畫家，但畫風一啲都睇唔出女性味道，反而有種剛柔並重嘅感覺。
至於佢筆下嘅女角色，巨乳同美股固然唔少得，如果大家對茂密黑森林有興趣嘅話，可以喺佢筆下嘅女角身上搵到呢種特徵。雖然佢熱衷於熟女題材，但佢出道之初並非專攻呢類，反而以美少女作品為主，透過1999年推出嘅首本成漫單行本作品《AV電影俱樂部》，翌年再推出續集《AV電影俱樂部2》及《天使的誘惑》等便可得知。
踏入20世紀初，佢轉而起用蘿莉系少女做女主角，好似2004年推出嘅《半熟少女》，及2006年發行嘅《GO GO! GIRLS》就係當中代表作。不過勇於嘗試嘅佢其後又轉變風格，轉玩相當重口味嘅熟女加正太題材，並推出超人氣作品《童貞王子》，呢個時候佢改以筆名「やながわ理央」推出作品。此後嘅佢尤愛以熟女創作題材，其筆下嘅《Ero Tissue Paper》、《LOVE Tissue Paper》、《妻戀太陽》等作品均大受歡迎。
《Ero Tissue Paper》作為佢嘅人氣作品之一，收錄咗佢最拿手嘅熟女題材，當中包括《出差！隔壁的年輕太太》、《上司M‧誘惑的內衣》、《補習時間》、《在美嶋家的日子前篇》、《在美嶋家的日子後篇》、《兩個人的同學會》、《MY HOME HONEYMOON》、《社淫契約》及《與母貓們共處的下午》多個單元故事。當佢介紹呢本漫畫時，表示目標是畫出一本同AV一樣的作品，故此不論構圖同故事，相對一般成漫更有電影鏡頭感，同時唔會覺得太快或太慢進入正題。如果問書中邊兩個單元故事最令人印象深刻嘅話，咁就要數《出差！隔壁的年輕太太》同《上司M‧誘惑的內衣》。
《出差！隔壁的年輕太太》嘅上班族單身男伊藤，租住嘅公寓隔籬住咗對年輕夫婦。由於丈夫長期出差關係，故此高木太太經常要獨守空房。暗戀呢位迷人巨乳人妻已久嘅伊藤，為咗消除滿腔慾火，喺同事介紹下去一間名為「色情天使」嘅出張按摩風俗店，約咗一位風俗孃到時鐘酒店曳曳，令佢意外嘅係呢位風俗孃竟然係高木太太！高木太太坦言做風俗孃嘅目的並非為咗金錢，而係因肉體長期感到空虛嘅關係，所以希望能夠搵到慰藉。結果本來只提供手同口嘅風俗服務，就咁變咗床上激戰。呢晚伊藤加班後返到屋企，發現身穿情趣睡衣嘅高木太太正喺門口等緊佢。
《上司M‧誘惑的內衣》嘅男主角細野由於係新人關係，經常被惡魔女上司迫令加班。呢晚細野好不容易將工作完成，於是趕搭最後一班JR，估唔到喺車廂遇到女上司。由於係尾班車關係，故此車廂相當擠迫，令細野同女上司身貼身逼埋一齊。須知道女上司雖然脾氣暴躁，但身材卻係玲瓏浮凸，肉體嘅摩擦令細野禁不住出現生理反應。感到尷尬嘅細野提議，不如喺下個站落車，然後截的士送女上司返屋企，殊不知女上司落車後，竟然拉咗細野上佢屋企。跟住係點？相信唔使多講啦！
撰文：魂