夫妻之道貴乎坦誠，但係有時乜都如實相報反而會傷害到對方，所以唔少人都會假扮高潮。情趣玩具喺香港普及程度唔算高，但係喺外國就相當盛行，據估計去到2020年生意額達到500億美元！男人睇AV某程度上係為咗學習床技，至於女人喺床上化身成AV女優，男士們又鍾唔鍾意呢？
正所謂水太清則無魚，雖然話做人要真誠，千祈唔好講大話，但有時太坦白，反而會傷害到人。來自外國約會網站IllicitEncounters.com嘅調查顯示，男女喺相處時少不免會講大話，做愛嘅時候亦會假扮高潮，受訪嘅女士當中有68%會喺床上扮高潮，原因都係為咗滿足男方，希望佢哋覺得自己性能力達到水準。有28%男士會扮高潮，點解呢？原來係唔想做得太耐，驚會傷害到女方嘅下陰喎！其實抑或係佢哋根本就唔想同對方上床呀？另一方面，女士同長期伴侶上床扮高潮嘅比率，比起與陌生人上床高達8倍，咁又係，要保持同長期伴侶嘅關係，難免要花少少心思滿足對方。
小朋友處於成長階段，往往會有樣學樣，不過大人亦都一樣，好多男士睇得AV多，亦會試吓學AV男優咁大玩各種床上花式，仲會學佢哋試圖以指技搞到女方潮吹大作。家陣好多女士都會欣賞AV，可能係陪男伴一齊睇，亦有可能係從中學習一番啦！日本一個街頭調查就發現，受訪嘅男士當中有64%表示見識過床伴疑似「AV化」嘅表現，認為女伴可能係睇得AV多，潛移默化之下學習咗AV女優嘅床上反應，因而令男方覺得討厭，原來男士們最討厭女伴興奮到翻白眼！有受訪男士表示無論幾High都好，見到翻白眼都會覺得驚嚇。其次係女方學AV女優講「淫語」，喺床上突然稱呼男方做「小寶寶」，語氣仲好似女性長輩咁，相當難頂。另外，男士亦討厭女方要佢哋學男優完事之後繼續錫錫同愛撫，仲要維持一段時間。咁又係！做完嘢已經好攰，仲搞咁多嘢做乜吖！
雖然我哋香港人成日都話要追趕國際潮流，之不過普遍香港人對性呢方面嘅話題總係羞於啟齒，不妨學吓美國人同日本人正視性愛，如果大家對性抱住開放態度，相信仲可以帶來商機添！早前美國洛杉磯就舉行第20屆成人玩具博覽會（Adult Novelty Manufacturers Expo），吸引唔少成人玩具業界人士參與，其中有人指出，成人情趣玩具嘅生意額家陣已經達到150億美元，去到2020年估計生意額會達到500億美元添！而生意額持續上升嘅原因，其中之一係大家愈來愈注重床上享受，同時亦要拜《格雷的五十道色戒》小說及電影爆紅所賜。
撰文：賢