呢期日本成人遊戲界流行為人氣作品推出續集，而呢隻由日本人氣遊戲商PULLTOP推出嘅《仰望夜空的星辰 FINE DAYS》，就係喺2015年12月推出嘅《仰望夜空的星辰》續集。故事講述前作發生後一年，男主角帚星光曉斗同女主角天之川沙夜拍拖已經有一年幾，同時又跟一眾女角色保持光明正大嘅色慾關係時，天文圈突然傳出一個哄動嘅消息，就係又有顆彗星接近地球。呢單消息喚起曉斗對去年大家期待無比、預計會令地球毀滅，只係最終令大家相當失望「艾森彗星」嘅回憶。佢心諗，不如趁住呢個機會，將去年未能完成嘅「行星觀測筆記」完成埋佢。被燃起鬥志嘅曉斗同沙夜分享呢個諗法，沙夜聞言後即舉腳贊成。不過佢之所以如此雀躍，其實係另有原因，皆因預計呢顆彗星將於情人節最為接近地球，而正苦惱於點樣可以喺情人節獨佔曉斗嘅佢，便決定趁住呢個機會，同曉斗過住甜蜜嘅同居生活，並且預防其他美少女入侵。不過佢呢個如意算盤好似打唔響，因為其他美少女其實早已收到風並各有打算。最終曉斗嘅愛又會花落誰家呢？咁就要睇玩家自己點樣揀。