以愛情作為包裝嘅成人漫畫有好多，只係呢類型嘅成漫劇情重點，往往側重喺情慾場面上，對於愛情嘅情節只係輕輕帶過就算。不過日本成人漫畫家Pon貴花田則成功將兩種元素平衡結合，令佢嘅作品獲得極高評價同人氣，而且代表作相當多，今次介紹嘅呢本《Love Gome!》就係其中之一。
對男人嚟講，愛情嘅本質就係床戰。唔好話膚淺，皆因呢個係赤裸裸嘅事實，否則點解咁多日本十八禁漫畫愛以戀愛劇情作為包裝，仲要咁多人鍾意睇先？不過能夠成功喺愛情同情慾兩者間取得平衡，當中嘅高手必然有Pon貴花田份。作為一位女性漫畫家，佢早喺1997年就已經開始活躍於同人漫畫圈，並且從事商業漫畫嘅工作。當時嘅佢不但繪畫女性漫畫，亦有創作成人漫畫。可能有人覺得兩者好似唔同範疇，但其實喺女性漫畫中，亦有唔少有情慾元素，長期鍛煉下，佢對於兩者嘅比例拿捏愈嚟愈精準，既有少女味又不失鹽花。此外，佢又成功將少女漫畫嘅清新風格同埋純愛劇情，融入成人漫畫中，令佢嘅作品變得更加有層次。
Pon貴花田喺1998年獲得日本出版社WANI MAGAZINE邀請，喺成人漫畫月刊《COMIC快樂天》發表作品，從此正式踏出職業成人漫畫家生涯第一步。其後佢又喺《ACTION PIZAZZ》、《YOUNG COMIC》等成人漫畫月刊上發表作品，不過講到佢首本成漫單行本作品，則要數喺1999年推出嘅《Maniac‧Parade》。從佢當年嘅作品可以睇得出，當時嘅畫工仍相當稚嫩，只係故事性卻已相當緊湊，尤其係肉搏場面更係細膩。及至2002年所推出嘅《螢之棲川》，不但畫工有飛躍式嘅進步，內容更係提升到新嘅層次，尤其係角色嘅愛情觀刻畫更深入。跟住佢所推出嘅《嬌嬌女布甸》、《一個人的獨佔》、《Pink assort》、《Love Gome!》等，被視為代表作，而佢喺2009年所創作嘅成漫《人妻花蕾》更被AV片廠MADONNA睇中，拍成真人版AV添！
喺2006年12月推出嘅《Love Gome!》，書名由「Go」同「Home」兩個詞語結合而成，講述男女主角田島康介同一之瀨愛香之間嘅愛情故事。書中共分為《搬家》、《好色的同居人》、《跟蹤狂》、《10天中的禁慾》、《與大姐的再會》、《快樂的俘虜》、《初戀的女性》、《女人的決斷》、《半年間的忍耐》同《相親相愛快快樂樂》合共10個章節，發展出既溫馨又浪漫，同埋色氣十足嘅戀愛同居生活。講到當中最有趣嘅部分，就要數《搬家》同《跟蹤狂》。
《搬家》講述康介搬到阿姨今日子所持有嘅單位居住，點知當佢入屋後驚覺有人喺度沖緊涼，原來對方係同佢一間公司工作嘅索爆女同事愛香！佢哋至發現其實係今日子搞錯咗，竟同時間將單位租畀兩個租客。不過由於阿姨撒賴，康介又冇錢再搬，最重要係愛香唔介意同康介住埋同一間屋，於是兩人就咁過住同居生活。就喺佢哋同居嘅第一晚，單位突然停電，而怕黑嘅愛香即刻攬住康介。肉體嘅接觸令康介興奮無比，而愛香亦心如鹿撞，結果兩人就咁發生超友誼關係。不過，點解愛香會願意同康介發展到呢種關係呢？
《跟蹤狂》呢一章就會為大家解謎。話說康介同愛香發展出地下情關係，而有日康介聽到同事指，一年前企圖對愛香施暴、卻神秘受咗重傷而辭職嘅前變態男同事，突然喺公司現身。康介諗到愛香可能會有危險，於是唔理手頭工作即刻去幫手。那邊廂嘅愛香原來已被變態男捉咗入雜物房，並且正準備對愛香有所企圖之際，康介及時嚟到。正當康介盤算點樣對付變態男之際，對方竟然被嚇到即刻逃離現場！不明所以嘅康介解救咗愛香後，兩人就喺雜物房激戰起嚟。不過話說回來，點解變態男一見到康介就腳仔軟，而愛香之所以愛上康介，又係咪同變態男有關呢？
漫畫名稱：《Love Gome!》
作者：Pon貴花田
出版：雙葉社
頁數：205頁
撰文：魂