喺玩家嘅眼中，夜場經理同囡囡嘅關係，不過係管理人同下屬。不過咁睇嘅話未免太過表面，事關佢哋仲要管理埋囡囡嘅私生活，等佢哋唔好行差踏錯之餘，最重要就係唔好累街坊！
據內地夜場管理人士稱，作為一位管理人，佢哋需要知道囡囡私底下生活係點，例如有冇不良嘅惡習、感情生活如何，尤其係同男人之間有冇唔正常嘅關係。點解佢哋要管咁多嘢呢？佢表示如果囡囡有不良惡習嘅話，有機會因為購買毒品時被捕，從而爆出喺夜場提供色情服務。至於後者影響更麻煩，皆因曾經試過有囡囡嘅老公到場搞事，而搞事事小，最麻煩嘅就係佢哋向有關方面舉報，令佢哋經常被突擊檢查，生意又點做落去呢？不過佢補充指，其實又唔係個個夜場管理人會管咁多，遇到有問題嘅囡囡就會趕佢走。
早前颱風尼伯特吹襲台灣，帶嚟狂風暴雨，只係呢個氣象問題同夜遊業有乜嘢關係呢？原來喺颱風吹襲期間，唔少色情場所受惡劣天氣影響搞到冇晒客，而為咗吸引玩家，唔少架步推出減價優惠。好似有間位於台南高雄三民區嘅色情按摩養生館，因颱風吹襲關係，令到收入直線下滑，於是喺打風期間將原本1,500新台幣（約375港元）嘅半套服務，減到1,200新台幣（約300港元）。結果反應理想，吸引到唔少玩家幫襯，只係同時卻引嚟有關當局注意，喺打風期間進行取締工作，對轄區總共25處按摩養生館同護膚店展開大規模嘅掃蕩行動，並且喺唔同嘅色情場所中，逮捕提供色情服務嘅女郎。有架步嘅負責人直言，估唔到警方喺打風期間仍進行取締行動，甚至有負責人哭訴：「都快沒飯吃，你們還來抓？」
乜嘢叫做「Rikejo」，而佢同風俗業又有乜嘢關係呢？所謂「Rikejo」其實係「理科女生」嘅意思。由於日本人口不斷減少，導致以男性為主嘅大學理工科，有面臨男女比例失衡嘅問題，故此唔少日本大學努力提高理科女生嘅入學率，而喺男多女寡嘅情況下，就讀理科嘅女生就獲得「Rikejo」嘅雅號，而隨住意思嘅延伸，亦可解做「經驗不足女性」。有風俗業界人士索性將呢個名詞運用到風俗孃身上，叫做「風俗Rikejo」，即係「冇經驗嘅風俗孃」咁解，好似喺東京涉浴就有間打住「業界未經驗」旗號嘅風俗店。呢類型風俗店嘅玩法亦同一般風俗店有啲分別，就係玩家一定要有心理準備，囡囡欠缺經驗，招呼唔會到位。可能有人會覺得咁咪貼錢買難受？咁又未去到難受嘅地步，只係唔好諗住囡囡會好好咁招呼你囉！不過凡事總有兩面，如果玩家有口才又有手段嘅話，隨時會有意外嘅收穫都未定。
撰文：魂