日本可以話係情趣玩具生產大國，唔單止製造具規模，喺創製新產品方面亦相當用心。提到情趣玩具，除咗一系列震蛋、震棒之外，當然唔少得吹氣公仔啦！然而，用家要求愈嚟愈高，膠製仿真娃娃至能夠滿足到佢哋嘅需要，最近人氣AV女優橋本有菜就潛入膠製娃娃嘅生產基地，親身感受一下箇中滋味。
雖然日圓持續上升，之不過，即使升到8算依然無阻大家去日本旅遊嘅意欲，包括小弟，我已經計劃好今年年尾去日本，一來去採訪日本AV界盛事「AV OPEN 2016」，為大家作現場報道，睇吓今年又有邊部作品同邊個女優贏得大獎，二來當然係去日本玩樂一番啦！行程當中，小弟除咗會去東京都中野區嘅SOD大樓尋幽探秘，仲會去多一個地點，就係位於東京都台東區御徒町嘅オリエント工業喇！呢處地方有咩好玩？依家就請日本AV名廠S1專屬超新星橋本有菜帶大家去睇睇啦！
早前有菜應AV資訊網站「R18.com」嘅邀請，去到オリエント工業進行潛入調查。雖然話係潛入，但係橋本有菜就冇故作神秘，反而係大搖大擺咁踩場。至於オリエント工業到底係做乜嘅呢？就係美艷同可愛程度都不下於有菜嘅膠製娃娃！
オリエント工業係一間專門製作膠製娃娃嘅公司，其出品以仿真度高、手工精細而聞名，而有菜見到一系列膠製娃娃亦興奮莫名，大讚呢班「美人兒」像真度極高。有菜一邊讚嘆娃娃嘅做工，一邊手多多對娃娃又摸又摷，感受一下充滿彈性嘅「肉哋」及滑溜嘅「肌膚」。當有菜玩得好開心嘅時候，社長O先生突然出現，阿妹當堂嚇一跳，但係好快佢就表現得好興奮，因為有菜係問題少女，有好多問題要問社長，包括點解要做呢啲膠製娃娃、啲娃娃又有咩好玩之類。O先生表示以往玩家都喜歡吹氣娃娃，但由於玩得太過激烈，搞到吹氣娃娃漏氣，耐用度唔夠強，膠製娃娃就耐用得多，更重要嘅係佢哋嘅頭、手、腳都有好多活動關節，「激戰」嘅時候就可以擺出更多姿勢，一邊攬實娃娃一邊狂砌 。
聽完O先生講解之後，有菜對膠製娃娃了解多咗，最後阿妹就問如果大家想嚟參觀使唔使預約，O先生表示場內嘅展覽室採取預約制，大家有興趣嚟參觀就必須要預約喇！O先生仲笑笑口話唔少人嚟到參觀除咗手多多，又摸又搓啲膠製娃娃之外，甚至有人抱起娃娃試吓啱唔啱位添，認真搞笑！
橋本有菜今次獲邀請進行呢次潛入任務，可以話見證佢喺AV界嘅地位躍升。呢位今年出道嘅清純系美人兒，貴為S1專屬女優之一，美貌同實力當然有番咁上下，近期有份出席各個S1周年宣傳活動，同明日花綺羅、葵司、小島麻奈美等超人氣師姐同台演出，證明有菜深得S1器重，前途無可退量呀！
預約網址：www.orient-doll.com
撰文：賢