所謂知識就是力量，要探求知識除咗靠落手落腳實踐之外，亦可以從書本中探索一番。今日介紹嘅情色工具書就同大家探索一下房事奧秘，亦有索到爆燈嘅女優所演出之最新寫真集，適合大家從中學習，當然唔學都好，用嚟養吓眼，滋潤一下身心亦無妨。
好多日本AV女優喺出道初期氣勢強勁，仲被捧到天咁高，但係所謂小時了了，大未必佳，就係因為肩膀上嘅壓力重咗，影響咗後來嘅表現，繼而感到迷失，由愛可奈早前就處於呢個狀態喇！由愛可奈出道5年，初出道時因為樣子甜美，體態迷人，加上喺AV作品表現出眾，一度獲AV天后吉澤明步欽點為接班人，迄今依然係AV廠MAXING嘅專屬女優。由愛可奈雖然係出色，多年女優生涯亦唔係冇突破性演出，只不過就係唔能夠散發出耀眼光彩再進一步，令可奈一度有少少心灰意冷。好彩嘅係由愛可奈貴為新惠比壽麝香葡萄嘅友誼小姐，相處期間大家都對佢多作鼓勵同開解，令佢漸漸打起精神，早前就特別飛到去美國拍攝寫真集《pure bible》。由愛可奈表示喺拍攝期間，於美國洛杉磯、拉斯維加斯等地作裸體演出，解放胴體之餘從中重新尋回自我，令寫真演出流露真性情同迷人魅力，大家一定睇得特別和味啦！
《由愛可奈pure bible》
售價：約HK$299
歐美有唔少兩性專家會著書，講述正確性知識及介紹各種提升床技嘅方法，只係呢啲「進口」技巧，點睇都總係有種唔夠地道嘅感覺。如果想睇番啲同聲同氣嘅著作，呢本由著名台灣兩性作家艾姬所著嘅《越做越愛：男女必修性愛學分》，相信可以睇得更有親切感。據作者介紹，呢本書嘅內容着重性知識及相關嘅技巧，好讓讀者能夠切實運動之餘，並且促進男女雙方嘅性生活愉快值。為咗可以令初學者都掌握到書中講述嘅體位同性技巧，作者專登加入小插圖嚟做說明，並且透過詼諧有趣嘅文字講述，縱然對文字有先天抗拒嘅男女，都可以透過圖文獲得想知道嘅資料。書中共分為6個部分，分別有探索身體嘅性慾泉源、掌握可以提升愛意嘅技巧、單身自愛方法、愛侶之間嘅情趣玩具、身體密碼同性愛Q&A及作為知識考核嘅性愛測驗，透過各個唔同部分，最後希望大家可以成功開拓從未踏足過嘅性愛領域。
書名：《越做越愛：男女必修性愛學分》
售價：約HK$70
今次為情侶推介一本刺激性關係嘅正書，雖知道親密關係耐咗，男女雙方都變得又懶又無情趣，最陰公仲要係一方性癮起，但另一方撻極都唔着，嗰種落差仲慘過要自摸度日呀！
有見及止，時刻保持穩定健康性關係好重要，即使當係交功課都好，床上滿足到伴侶，日常你生活都過得舒服好多，要學咪嘥好多時間？唔使，兩個鐘左右就夠，《The Naughty Girl Playbook》全書得77頁，仲有電子版，返工搭車，食飯瞓前望兩眼，眨吓眼就睇晒，呢本書簡介係作者親身經歷，之後再將方法推介畀身邊朋友，用咗2年時間實證，發覺真係有效；作者認為正常伴侶性關係都係單調乏味，因為佢哋只會按個人喜好出發，亦冇機會去「培訓」，每次都以高潮為最終目的，咁樣只會加速性關係走下坡。要解決，就要溝通，平日食飯時間可以嘗試將性生活「擺上枱」，分享大家內心性幻想，跟住將幻想變成現實性遊戲，用一個星期去實踐，之後再作檢討，久而久之關係自然會提升。講就好簡單，其實又唔係喎，作者明白大部分女性都怕醜，覺得公開談性係羞恥同淫蕩，所以呢本書亦會教你128種小遊戲方式，嘥少少時間就可以提升性生活質素，抵晒啦！
書名： The Naughty Girl Playbook: 128 Plays To Become His Fantasy While Having Fun （Kindle Edition）
售價：US$3.99（亞馬遜電子書）
撰文：賢、魂、祖