古語有云身體髮膚受之父母，我哋應該好好珍惜自己嘅身體，即使係一條頭髮都唔可以毀傷，估唔到日本AV界亦有女優曉得呢個道理，為秀髮受損而大感心痛，甚至覺得痛不欲生。日本AV大廠S1嘅專屬女優葵，除咗係出名嘅巨乳美人，身材豐滿堪比「人類最強BODY」沖田杏梨，佢一把長長嘅秀髮亦係魅力來源。據聞葵本身都好注意保養呢把咁靚嘅秀髮，之不過阿妹喺社交網上表示，早前去髮型屋理髮，點知畀個髮型師將其秀髮做咗三層漂染，搞到髮質大為受損！仲話自己嘅頭髮搞到咁怕會嫁唔出，更加唔敢出街見人，心靈受傷程度更甚於考試落榜、唔見銀包，即使係被人欺騙感情都冇咁嚴重，甚至有意避走紐約。之後，葵嘅微博就停止更新足足兩個星期，好多粉絲都關注其安危，希望阿妹唔會自尋短見啦！