近年日本AV界有好多女優結成組合殺入樂壇，當中最活躍嘅除咗有新生惠比壽麝香葡萄之外，仲有成員換來又換去嘅棉花糖3D+，當然唔少得喺舞台上發光發熱嘅AV集團KMP專屬女優組合Million Girls Z啦！早前KMP舉行女優祭，由MGZ帶同一班後輩登場，將熱力散播全場！
小弟因為工作關係，呢幾年見過唔少遠洋到訪港澳兩地嘅日本AV女優，Julia、沖田杏梨、湊莉久、小川亞沙美等，當中給我最深刻印象嘅係有「人類最強BODY」之稱嘅沖田杏梨，點解？因為杏梨佢真係好巨大！一向見慣巨乳嘅我行埋佢身邊見到胸前對大肉彈都不禁嚇一跳，心中暗叫：乜真係大得咁緊要呀！
事實上，咁多女優當中以杏梨最大件頭，其餘嘅女優都普遍身材小巧，可能小巧到大家都唔多信，好似星美梨香咁，生得好細粒。但係唔好睇小佢，喺舞台表演當中，梨香活力十足，唱歌同跳舞都好有功架！唔信咩？咁就跟小弟一齊去睇吓早前梨香夥拍隊友友田彩也香以及佐倉絆嘅熱情演出啦！當日為AV集團KMP嘅女優祭，主打環節係由呢三位專屬女優組成嘅Million Girls Z上台表演，三人狀態弗到爆燈，甫出場就喺過百位粉絲面前獻唱主打歌《1000000心靈感應》，瞬間將氣氛推上最高點！
其實點解要舉行呢個女優祭呢？KMP表示喺日本6月30日為夏越之祓，喺呢日好多人都會去參拜神社進行祈福，希望將上半年嘅邪穢之氣消除。而今次呢個女優祭亦喺攝影會環節當中，女優們大玩Cosplay換上巫女裝上陣，為一眾粉絲們祈福消災，不過就冇得雙修增運。
另外，會場內售賣好多精品，包括MGZ嘅T恤、文件夾、記事簿等。今次話明係同大家祈福消災，咁就梗係要好似參拜神社咁，買個許願木牌，喺上面寫上自己嘅願望，再由MGZ三位索爆女優幫大家加持一下啦！經MGZ落力推銷之下，當日好多粉絲都大破慳囊畀錢祈福，有冇效果就唔知，不過至少唔會得失三位佳人先啦！
AV集團KMP話晒都係當今日本AV界三大勢力之一，難得搞個女優祭，又點會只係得MGZ三位女優咁人丁單薄呢！當日仲有MGZ嘅師妹們登場，包括結城愛菜、最上架純、柚木彩花，以及7月重點新人，擁有一對脹卜卜G奶嘅河北春菜！幾位新人作一輪自我介紹之後，三位師姐梗係要教佢哋兩道散手，仲要畀個下馬威佢哋，等班新人明白到喺AV界搵食唔係咁簡單！隨即搵兩個粉絲上台「除低」同「舉起」，唔係要班新人即場表演吹奏啩？當然唔係啦！只係叫粉絲除低隻鞋同舉起隻腳，畀班新人聞一聞，OMG！真係想嘔呀！之不過，結城愛菜卻愛好呢種臭腳味道，完全享受其中！KMP拍重口味作品一於搵愛菜啦！
撰文：賢