對於經常返內地嘅玩家嚟講，就算未試過都見過酒店門罅攝入嚟嘅色情應召卡片，而呢啲色情卡片十居其九都係呃人居多，老手們一定唔會試，只係對新手而言，卻係一嘗獵艷嘅好機會，結果墮入色情陷阱。
早前深圳龍崗有位19歲劉姓男子，佢收咗張卡片後就按上面嘅電話打去同對方聯絡，電話中嘅女子態度溫柔，兩人傾得相當投契，最後傾好價錢諗住真箇銷魂。點知女子同劉男講，除咗要預先過肉金數畀佢之外，仲要預先畀埋「小妹免虐待保證金」（呢個名稱都幾搞笑）、「房屋安全保證金」（曳曳都要房屋安全保證？）等，並指風流過後保證金會全數歸還。劉男早就被女方嘅溫柔聲線所迷倒，於是傻吓傻吓咁合共匯咗1,900元人民幣畀對方。相信大家都知道結果係點，女方梗係冇晒影啦！劉男即刻報警，結果警方將行騙集團兩位成員同女疑犯逮捕，並搜獲過千張色情卡片、電話卡等證物。
一間位於台灣基隆嘅色情美容紓壓館生意火旺，原因係佢哋搵嚟14位年輕貌美女子坐鎮，為玩家提供半套服務，雖然收費2,200新台幣（約550港元），價錢唔算平，但仍然深得玩家捧場，因此如果將所有使用過嘅安全套丟落垃圾桶嘅話，就好容易會成為經營色情場所嘅證據，於是色情美容嘅負責人就諗出一條橋，就係將所有用過嘅安全套丟到冷氣機排水管度！丟晒喺度會唔會塞就唔知，只係知道佢感覺上好似好安全。不過正所謂法網恢恢，早前被當地警方突擊掃蕩時，就被警員喺冷氣機排水管內搵到多達28個用過嘅安全套，呢鋪有晒證據，肯定走唔甩啦！
玩家去夜場揀女，第一眼一定睇樣，不過日本有間新開張嘅風俗店，玩家要喺睇唔到囡囡相頭嘅情況下決定入唔入閘，究竟呢種玩法有乜吸引呢？位於日本埼玉縣川口市西川口嘅自娛風俗店「Mermaid」，玩家入店後會發現風俗孃匿喺一塊大黑布後面，只伸出一雙腿，而玩家就要憑雙腿嚟決定心水。據風俗店稱呢種玩去有趣嘅地方，在於玩家要靠估同睇彩數，不過佢哋拍心口保證店內風俗孃嘅質素相當高，絕對唔會令玩家失望。至於所謂自娛風俗店，玩法真係要講清楚，事關日文叫做「Onani Club」（オナクラ），意思即係玩家自娛畀風俗孃睇，而過程中風俗孃係唔會出手幫忙。不過，如果玩家願意加錢嘅話，風俗孃亦會提供手作仔服務，不過僅限於掂吓掂吓，而唔會出動摩打手囉！
撰文：魂