不知幾多港男朝思暮想都希望同日本AV女優親近一番，之不過日本AV業界當中識得憐香惜玉嘅卻唔多，佢哋最鍾意將女優百般玩弄。我哋睇見都戥班女優辛苦，然而佢哋卻係樂在其中，好似極品美熟女川上由咁，從佢嘅綑綁表演當中，見到佢被人五花大綁仲笑吟吟，不知幾咁享受。
如果大家有留意小弟喺本欄嘅報道，都得知近年日本AV女優好鍾意走入人群，喺不同表演場館開攝影會、握手會，甚至係聚餐，實行將過去AV女優唔見得人嘅形象完全洗去，變得親民。作為AV迷嘅我梗係感到高興，亦希望AV女優們更加積極舉行不同活動，等AV迷能夠同佢哋嘅心中女神見面，唔使成日對住螢光幕咁單調啦！
而女優們喺公開活動當中，最常見嘅表演一定係載歌載舞，之不過美熟女川上由就唔同，佢嘅表演靜態少少，並非佢唔夠活力，而係阿妹最鍾意表演SM，最近佢邀請日本SM大師奈加先生以及SM界名人葵瑪莉開咗個綑綁SM騷，而川上由今次唔係扮人妻或癡女，而係換上囚衣變成女囚犯，等佢自己以及觀眾都能夠投入SM世界當中。
呢個騷名叫「第15回．繩奈加會緊縛攝影會」，主要係由SM大師奈加先生向公眾公開其繩綁絕技，同時讓好此道之士舉機喪影，當係一個純粹嘅攝影會亦得，不過最好都係當藝術攝影會嚟參與，因為奈加大師對於其SM手藝看待得十分認真同專業，喺準備嘅時候已經顯得一絲不苟，親自檢查一系列表演道具，仲親手幫川上由換衫。
而川上由呢個時候表現得相當興奮，拎住啲道具不知幾咁開心，熱愛SM嘅心情不言而喻。一切準備就緒後就開始表演，奈加大師同葵瑪莉喺綑綁完川上由之後，兩人突然跪求觀眾，認真搞笑。之後，奈加大師將大石放喺川上由嘅大髀，模擬古時囚犯受刑情況。
壓完大石仲未玩完，大師將川上由吊起，用竹鞭打屁股，搞到肌膚鮮嫩白滑嘅川上由屁股現晒一條條紅印，真係戥佢肉痛呀！打完屁股，大師再施展神技，呢個時候搵嚟8個大漢幫手，唔係話要嚟個一女九男混戰，而係佢哋合力抬出一個叫做「磔台」嘅道具，由粗木方製造，將川上由綁喺上面示眾，而且特別喺川上由嘅胯下位置整多條木方，以加強效果，認真慘無人道！之不過，唔好睇川上由一副賢良淑德人妻相，其實佢已經從事SM模特兒多年，自言相當享受被綁過程，好多SM大師嘅寫真集都搵佢做模特兒，作品包括《川上ゆうSM緊縛寫真集奴隸夫人》，另外亦係好多SM攝影會嘅指定Model，真係估佢唔到呀！
撰文：賢