日本寫真界新人輩出，但係咁唔代表舊人容易被淘汰，只要有美貌有靚偈，再次出嚟拍寫真一樣有睇頭，大把捧場客！唔信？今日就為大家介紹一位新人及舊人，兩位同樣咁火辣！
新一代人氣寫真女郎當中，小弟有好多個都好鍾意，例如染谷有香、星名美津紀、青山光等，佢哋樣靚又好波，真係正到不得了！然而，一眾經典寫真女神依然令不少人冇法忘記，好似井上和香、相澤仁美、根本春美等。最近其中一位小弟至愛嘅女神終於回歸，佢就係多田亞沙美喇！
27歲嘅亞沙美喺2008年出道拍寫真，2009年憑住標致五官及35F-24-35豐滿胴體，勇奪第2屆日本雜誌模特兒比賽嘅新人獎。之後，亞沙美前途一片光明，又做賽車女郎又上電視節目。除咗外在美，阿妹亦有內在美，當年日本311地震之後，亞沙美致力幫助災民，多番喺博客上列出不同捐款渠道，呼籲大家踴躍捐款，而佢自己亦身體力行捐出唔少積蓄，善心廣為人所稱讚。兩年前，亞沙美突然暫停工作休息，最近終於有新寫真作品推出，就係《愛欲衝動》喇！當中亞沙美換完一套又一套超性感裝束登場，再大力搖晃巨奶，仲會向鏡頭撫弄身體，摸完胸又摸大髀，動作相當大膽，加上阿妹自得其樂、百般享受嘅淫靡表情，令畫面極度噴血！
碟名：《愛欲衝動》
收錄時間：112分鐘
售價：約HK$311
小弟成日都覺得日本寫真女郎係一種神奇嘅生物，一來佢哋個樣靚到好似萬人迷明星，同時又有一副婀娜火辣嘅胴體，二來佢哋即使成日外出，喺猛烈陽光底下拍寫真，依然保持到一身雪白肌膚。雖然話一白可以遮三醜，但係寫真女郎膚色太白，小弟就唔係幾接受，因為白過頭予人感覺唔健康，好似近期人氣勁升嘅極品尤物橋本梨菜咁，膚色帶點古銅色，感覺健康又充滿活力咪最正囉！
22歲嘅橋本梨菜甜美可人，喺新一輩寫真妹當中，其甜美度及美艷程度可算係位列前茅。除咗樣子討好，阿妹嘅身材更加誘惑無比，三圍34-23-34本來已經曲線曼妙，加埋胸前飽滿又彈力十足嘅G奶，呢副胴體極之火辣！梨菜喺最新嘅寫真DVD《隣之莉莉》當中繼續大賣青春甜美，發揮極強治愈效果嘅獨特魅力，並以一身鮮艷比堅尼展現胴體美態，同時大玩食雪條以及換上一身SM味濃嘅黑色皮革裝，展現出妖艷成熟嘅一面，唔睇就走寶喇！
碟名：《隣之莉莉》
收錄時間：97分鐘
售價：約HK$311
撰文：賢