師傅成日都話做人千祈唔好做屎坑關刀，一定要有一技之長。不過，計徒弟仔我話，做人其實要作多方面嘗試，喺床上要有多元化刺激，睇寫真集亦要睇多啲唔同主題，咁樣先令短暫嘅人生更加精彩！
一個明星紅起上嚟，自然曝光率持續增加，大家成日見到佢難免會覺得悶，點算好呢？咁就要學吓近期人氣強勁嘅妖艷寫真女郎橋本愛實咁喺演出上多作變化喇！橋本愛實喺1997年參加第7屆全日本國民美少女比賽獲得「演技部門獎」，從而進身演藝界。愛實除咗演技好，美貌同身材都相當吸引，上年三十有一嘅佢更加嚟個突破性超妖艷演出，成功令事業登上高峰，片約不斷，同時亦參與好多電視節目，人氣勁到不得了！
今年愛實人氣不減，更首次擔正做女主角拍電影《節日前夜的禮物》添！不過愛實都未有忘記寫真女郎嘅身份，寫真集《時光脫衣舞》就係最新力作，今次充滿玩味，大玩時光穿梭，扮演原始時代女原人、戰國時代公主、大正時代美人、現代OL，連未來人都扮埋，當然以愛實嘅一貫風格，每個扮相都極盡性感，流露出色情意味，一本寫真集讓大家感受到多元化嘅視覺刺激。
書名：《時光脫衣舞》
售價：約HK$208
坊間有唔少令男士喺床上變得更有持久力嘅偏方，當中包括戴兩個套上陣、喺槍頭塗上降低敏感度嘅軟膏、諗一啲好似月結單等令人冇晒性趣嘅事，甚至背乘數表等。不過呢啲方法未免太過兒戲，亦唔夠說服力，呢本由美國早洩領域頂尖性學家Michael E. Metz，以及臨床心理學兼性愛治療學家Barry W. McCarthy聯合著作嘅《愛的持續力：教男人打好一場性愛持久戰》，傳授大家意想不到嘅性愛技巧及知識。書中開宗明義指出性愛嘅精粹，並唔係將佢當成需要通過測試嘅能力測驗，而係在於伴侶彼此能共享箇中歡愉。另外，指出坊間所謂嘅偏方雖然將發射一刻推遲，從而達至持久嘅目的，不過呢種做法嘅後果，有可能導致出現性功能障礙，即係不舉！為免男士為延長作戰時間而「誤入歧途」，書中提出男士要保留肉慾感覺而唔係加以抗拒，因此目的其實在於提升發射嘅控制力，而喺學習嘅過程中，伴侶亦扮演重要嘅角色，呢點正正係唔少所謂提升作戰能力講法中所欠缺嘅一環。至於點樣做到彼此合作，讓床上樂趣得以變得更長久，就要等大家自己喺書中尋找答案喇！
書名：《愛的持續力：教男人打好一場性愛持久戰》
作者：Michael E. Metz、Barry W. McCarthy
譯者：許逸維
售價：約HK$73
一提到BDSM，好多男女都聞之色變，其實唔使咁驚青，佢係了解自己及伴侶性慾嘅一扇門，驚無非係因為你根本唔了解佢，以為綁手綁腳搞嘢一定好危險，加上四仔為滿足觀眾嘅官能刺激，一定誇張十倍，所以你先咁驚啫！今日介紹呢本電子書《BDSM Mastery: 28 Ways To Spice It Up In The Bedroom》，最啱一啲又要驚又成日幻想玩愉虐嘅男女喇！想提升同伴侶間嘅親密關係，原來只要28式，加上幾件道具就搞掂！道具方面當然要有繩子、眼罩、皮鞭及手形拍，如果你唔識綁繩可以用手銬、腳銬取代，亦可以配合震蛋及後庭塞等玩具增加情趣，想知呢28式點玩，就要自己買嚟睇啦！網民對呢本書嘅評價非常高，大部分人都讚招式非常易明易玩，女伴睇完都蠢蠢欲動想試喎！
書名：《BDSM Mastery: 28 Ways To Spice It Up In The Bedroom》
售價：約HK$23（Kindle Edition版本）
撰文：賢、祖、魂