俗語話男兒口大食四方，女兒口大食窮郎。其實女仔口大唔一定大食，身材肥胖亦唔代表胃口大，反而一啲生得細粒又嬌俏嘅女仔，食量卻令人震驚，所指嘅就係日本AV界大胃王桃乃木香奈喇！香奈佢愈大食人氣愈強勁，今日就帶大家睇吓香奈妹嘅大食生活喇！
日本AV界有好多女優引退之後改名復出，而佢哋好多時都只係名字上有改變，形象、打扮、身材、面孔都冇變過，除非佢哋連戲路都改變埋，好似當年風間由美復出並改行熟女路線，食住熟女風潮乘勢而起，否則改名復出嘅女優多數都係慘淡收場。之不過，有女優復出卻同時連形象都變晒，變到幾乎冇人認得出，例如近期人氣紅到不得了嘅桃乃木香奈咁！香奈妹身材婀娜又苗條，最令AV迷覺得賞心悅目嘅係阿妹擁有一副非凡氣質，同時青春味濃郁嘅嬌俏美貌，連一向對美貌要求甚高嘅小弟都不得不畀個Like。去年下半年出道嘅香奈家陣已經躍身成為AV廠Ideapocket嘅頭號猛將，而AV迷就發現阿妹有少少熟口熟面，原來之前香奈已經用「松嶋真麻」呢個藝名拍過少女系AV，當時阿妹仲係肥妹仔，改名復出卻連身材都變得纖巧誘人，大家都大讚香奈為咗AV迷嘅眼福努力去收身。
作為一個肥人我知道增肥容易收身難，香奈比之前瘦咗成個碼一定落咗好多苦功，係咁做運動及節食減肥喇！運動量方面，可以保證一定足夠，事關香奈作為惠比壽★麝香葡萄嘅焦點成員之一，不時隨隊四圍登台，另一邊亦要密密幫東家Ideapocket拍AV，而每部AV都係一女鬥多男嘅多P場面，運動量唔足夠就假啦！不過食量方面，我可以話畀大家知香奈完全唔會節食，甚至可以話係超大食！日本AV資訊網站R18.com早前就貼身跟蹤香奈幾個月，發現阿妹真係大食到得人驚！某一日阿妹去到拉麵店，一個人就可以食3碗拉麵，食完之後轉個背又去食分量十足嘅雪糕同刨冰！其中一位有份追蹤香奈大食之路嘅網民，對其食量大感驚訝，仲話香奈食量達到神級，更加好似見到香奈生咗一雙天使翼一樣！
某日香奈表示食滯咗肚仔唔多舒服，以為佢會冇胃口啦！點知短短17分鐘之後，香奈又再喪食，認真頂佢唔順！如果娶阿妹做老婆的話真係要小心，就算唔吸乾精華素都畀佢食到窮喇！不過，香奈咁大食都唔衰得晒，正因為佢咁為食，令香奈成為身邊班AV女優朋友嘅開心果，大家成日一齊去飲飲食食，感情增進不少。另外，香奈嘅大食本色亦獲得成人頻道SkyPerfecTV睇中，最近就搵佢獨挑大樑做節目講飲講食，據聞8月中會啟播，到時不妨留意一下。香奈除咗大食受賞識，生財亦有道，大家只要Click入http://momonogi.com，呢個專屬網站唔單止有香奈嘅靚靚寫真，仲可以見到一系列由佢設計嘅產品，例如手機套、毛巾、恤衫等，就算唔做女優都可以憑自家品牌殺出血路，認真叻女！
撰文：賢