近期日本AV界傳出好多消息，除咗有藤原瞳聲稱自己被迫拍AV搞到業界出現一陣恐慌之外，好在好消息有早前「AV OPEN 2016」隆重宣布正式展開，另一方面，AV集團SOD話畀大家知，「SOD Premium之夜 2016」正正式式開始，呢個SOD之夜有咩咁好玩？可以點樣參加？即刻同大家介紹！
小弟因為工作關係，採訪過好多同日本AV界有關嘅活動，過程中與唔少AV女優接觸，好似我最愛嘅Julia、沖田杏梨、初川南、湊莉久、北川瞳及周防雪子等，仲可以「集郵」，我意思係同佢哋合照一張以圓心願。之不過，每次合照都係分開影，因為每個活動都係各自請來不同女優居多，小弟想一圓心願，一次過同多位女優合照就仲未能夠達成喇！不過我冇灰心過，而且仲對完成呢個心願充滿憧憬，原因係「SOD Premium之夜 2016」返嚟喇！提到呢個SOD之夜，簡直可以話係日本AV歷史上嘅最強活動，原因係上屆SOD之夜請到過百位女優，去到由AV集團SOD包起嘅場地淺草花敷屋遊樂場，同AV迷玩足一日一夜！聲稱搵到過百女優撐場嘅日本成人展係就係多女優，但係大家都圍住喺一個地方淺窄嘅表演場館當中，唔好講話轉身，想透啖氣都難，邊及得上SOD之夜可以放鬆咁同班女優玩呢！
其實上年年尾主辦單位SOD已經宣告SOD之夜因為極受歡迎，將會再嚟多次，不過一切詳情仍有待公布。最近SOD正式宣布SOD之夜將於9月再次舉行，至於確實日子仲需要時間度一度，話晒都要聯絡晒咁多女優嘅所屬事務所嘛。至於地點，SOD表示暫時仲喺尋找階段，更加話SOD之夜2016會比上年搞得更盛大，故希望搵一個比淺草花敷屋更大更廣闊嘅場地喎。如果大家想參加呢個大型嘅活動，同過百位AV女優一齊玩到身貼身兼談吓心，方法一如上屆，需要多多幫襯購買SOD嘅AV作品，亦可以透過幫襯SOD網站嘅收費美女聊天服務嚟儲積分。買少於10,800日圓就可以儲2分，多於此數就可以儲到3分，分數愈多就愈多優惠，除咗可以贏得入場機會，仲可以同女優一齊食飯等。
回顧上一次喺花敷屋遊樂場舉行嘅SOD之夜，節目精彩又豐富，真係令AV迷玩到唔捨得走。當日中午有幸參與其中嘅AV迷一入場就可以見到眾多女優夾道歡迎，因為班女優已經喺門口附近擺好攤位推銷各類商品，包括AV碟、T恤等。入到遊樂場嘅表演場館就可以見到棉花糖3D、me-me、Million Girls等AV女優組合表演一輪接一輪嘅勁歌熱舞，睇到熱辣辣咩？可以幫襯刨冰檔口，再搵廣瀨奈奈美佢哋用裝喺胸圍內嘅果汁噴射裝置，喺刨冰上面唧果汁嚟調味。另外，白石茉莉奈就教大家點樣握棍，因為佢要教大家點樣打高爾夫球。至於美熟女王牌川上由就扮演大家嘅體貼嬌妻，同AV迷一齊坐天鵝艇。又玩到肚餓都冇問題，大批女優等住陪AV迷進餐，只可惜上原亞衣已經引退，今屆應該冇得再搵佢陪食喇！想了解更加多有關SOD Premium之夜嘅詳情，可以Click去http://point.sod.co.jp/瀏覽啦！
撰文：賢