對於玩家嚟講，要玩又要怕嘅心情相信最有感覺，怕囡囡態度唔好要受氣，怕囡囡報大歲數實質唔夠秤，但講到最怕嘅一定係囡囡染有性病，即時耍手擰頭兼走夾唔抖呀！
囡囡染有性病呢家嘢相信玩家都見過或聽過唔少，甚至有坊間秘法點樣睇得出囡囡係咪有性病，不過大家有冇諗過原來囡囡染病接客係犯法嘅呢？犯咗從事賣淫法？唔係，而係涉嫌傳播性病罪。話說陝西北部神木縣有位26歲郝姓女子，雖然自知染有性病，身上帶有梅毒，但仍然從事多次賣淫活動，每次服務費收取60元人民幣。早前當地派出所民警對轄區展開治安檢查時將佢逮捕，經過調查後發現，原來郝女為咗養活10歲孩子而從事賣淫工作，雖然佢嘅動機相當值得同情，但基於法規規定，仍然控以涉嫌傳播性病罪。
台灣警方取締色情場所嘅方法以放蛇為主，正當以為佢哋逢放必中嘅時候，卻原來又唔係，究竟當中邊度出錯，以致放蛇行動失敗呢？話說基隆警方上個月收到線報，指一間護膚店提供半套色情服務，於是佢哋展開放蛇行動，派出一位23歲警員喬裝玩家入場搜證。正當佢喺度忍受30幾歲嘅張姓女郎喺佢身上摸嚟摸去之際，埋伏嘅警員就衝入房間，諗住將女郎及護膚店負責人逮捕，只係喬裝警員卻扯火大吼，原來張女仲未摸到佢嘅重要部位，故此並無任何證據指明呢間護膚店有色情服務提供。話說回來，原來早喺今年3月，另一間位於基隆嘅美容院，當地警方亦收到線報指當中提供全套及半套色情服務，當警方衝入店內發現一位蕭姓男士正趴喺床上享受女郎嘅按摩，只係經調查後發現，女郎並未有按摩佢嘅重要部位。由於兩件事都冇實質證據證明呢兩間店提供色情服務，故此未被起訴。原來放蛇行動嘅成功，除咗唔可以走漏風聲外，更重要係時間上嘅把握呀！
福原同吉原之間究竟有乜嘢關係呢？如果對日本嘅風俗業有認識嘅話，就知道泡泡浴風俗店集中地，必然係位於東京台東區嘅吉原。事實上，早喺16世紀初就已經出現風俗店，到咗江戶時期更成為日本最繁華嘅風俗街。上世紀50年代開始出現泡泡浴風俗店，到咗80年代幾乎全部風俗店都轉型做泡泡浴，最興盛時該區有約250間呢類型嘅風俗店！盛行嘅泡泡浴風俗店不但成為當地最著名嘅玩樂方式，佢更帶領全國泡泡浴嘅玩法同規定，絕對係全日本泡泡浴風俗店嘅指標。不過隨住東京喺2020年舉辦奧運會，吉原嘅風俗店面臨重大嘅整肅，甚至被迫遷。有日本嘅玩家覺得呢種講法未免太過杞人憂天，事實上有報道指並非無前例可援。早喺1990年為咗舉辦國際花與綠博覽會，主辦城市大阪將難波、梅田等人氣風俗店集中地大力掃蕩，以致整個大阪都搵唔到一間風俗店，而喺呢個情況下吉原未來嘅發展實在堪憂。不過正所謂一雞死一雞鳴，原本喺吉原經營嘅風俗店轉到神戶市福原經營。佢哋之所以轉到福原嘅原因，無他，因為當地本身有唔少泡泡浴風俗店經營，而當呢啲新店入戶後，令泡泡浴主題選擇多咗，有制服類嘅水手服、泳衣等，有年齡唔同嘅美少女、熟女等，更有唔少主打OL、人妻嘅風俗店，可謂百花齊放，有人更直言福原家陣吉原化添！
撰文：魂