呢排球壇大賽不斷，歐洲國家盃疊埋美洲國家盃一齊踢，如果要睇晒嘅話，分分鐘由半夜睇到第二朝，球迷梗係興奮啦，但對女士嚟講就唔係一件好事，皆因男友或老公晚晚睇波，獨守空房真係幾灰。今次一於講吓關於足球同Football嘅情色俚語，等大家窺探一下情色世界嘅足球一二事。
每年有親球壇盛事都會湧現一班「Football Widow」，即係足球寡婦。由於男士喺球賽期間晚晚睇波，搞到女人獨守空幃，成個寡婦咁囉。話時話，究竟男人係咪會因為睇波睇到唔想曳曳呢？喺對上一次世界性足球比賽，即2014年舉辦嘅世界盃期間，有安全套公司搵嚟2,000名英國男性進行相關調查，結果有兩成七受訪者表示喺曳曳時會諗住球賽，有四成話為咗睇波而拒絕曳曳，有四成二坦言希望能快啲完事，之後去睇波。此外，有三分之一嘅受訪者怒爆，球場上嘅假波比伴侶偽裝高潮更令人討厭。其實對女人嚟講，晚晚顧住睇波而唔肯交功課嘅男人，可能更加令佢哋討厭。
男人顧住睇波而撇低女伴，女人唔嬲就奇，呢個時候女人不妨問個衰佬有冇興趣嚟番場「Mixed Sex Naked Football 」，一齊享受足球狂熱！顧名思義就係男女雙方齊齊剝光豬踢足球。另一方面，喺美國Football又指美式足球，因此光豬美式足球亦可用上呢個稱呼。唔想齋剝光豬踢波咁簡單嘅話，有另一種色情玩法叫做「Sexual Football Field」，玩法係按唔同距離嘅射門又成功入波嘅話，就要按規定做動作，例如喺距離10碼射入波，勝方可獲得一個吻；距離20碼入波，就要嘴對嘴接吻；30碼嘅話要嚟個法式濕吻；40碼嚟個愛撫服務；50碼則可以享受手作仔服務等，規則悉隨尊便，不過大前提係要搵到個私人足球場至可以玩囉。
球星雲集嘅大賽固然好睇，而球星身邊嗰班索爆太太團亦係焦點，呢套由法國四仔片廠推出嘅作品《Footballers' Housewives》正係以球星太太團為題材。由法國著名四仔導演Herve Bodilis執導，搵嚟Lola Taylor、Anna Polina、Abbie Cat等法國脫星演出。講述Lola、Anna同Abbie嘅老公都係著名球員，過住奢華嘅闊太生活，由於老公忙於作賽同練習關係，令三顆寂寞又空虛嘅心走埋一齊，每晚聯群結隊到夜店溝仔，下文梗係返豪宅開波，甚至嚟個群鬥大雜燴！佢哋淫亂嘅行為，原來早被球會經理發現，仲搜集咗足夠嘅證據，諗住向佢哋嘅老公爆大鑊。為咗保住理想嘅生活，三女決定利用身體作交換條件，卻估唔到經理原來另有圖謀。呢套作品喺2015年AVN頒獎禮中獲得「最佳外國作品」及「最佳攝影」提名，同年又喺XBIZ頒獎禮中獲得「最佳年度歐洲四仔」嘅提名。
唔少人都覺得靚仔球星加索女係金童玉女嘅絕配，更係唔少人鍾意睇嘅八卦新聞，難怪喺2012年傳出日本球星香川真司同AV女優一之瀨亞美莉拍拖嘅消息時，即時引嚟英國及日本傳媒廣泛報道，仲成為網絡嘅熱話，當時呢單料講到似層層，話香川真司喺德國踢波時已同一之瀨亞美莉一齊，仲指當時紅魔魔教頭費格遜，擔心香川真司因感情事而分心。有人細心查證後，發覺根本並無此事，而香川真司嘅女友其實另有其人，就係喺日本電視台工作嘅混血女主持Maggy。話時話，香川真司作為世界級球星有緋聞一啲都唔出奇，只係點解要拉埋一之瀨亞美莉落水呢？有人話可能係佢個樣有混血兒Feel，所以認錯人。一之瀨亞美莉出生於1987年09月16日，喺2006年以栗栖繪梨香之名，喺AV片商h.m.p推出處女作《野外激烈交鋒Debut！！》，喺2008年改名美空彩香，又喺翌年改用現有名字，並轉會到MAX-A，憑住35E嘅美乳同出色嘅床技，獲得超高嘅人氣。
撰文：魂