副學士畢業生出現「假上流，真基層」現象，正常吖！家陣搵食艱難，藉教育脫貧冇望。至於美國妹Sherri Chanel為咗搵食，就以「假低俗，真優雅」嚟取悅觀眾，尊嚴、骨氣？上咗位之後再講啦！
裸模唔易撈，既要顧掂自己副架生，更要兼顧埋市場口味，因為冇人會幫你諗形象包裝，你唔得就下家揸莊，難怪業界Model都話顧此失彼，好似喺行頭打滾咗5年嘅美國妹Sherri Chanel，當日以為自己喺美國市場零舍大鼻，結果撞過好多板，先有今日成績咋！巴打睇Sherri好成功，有個人網站，粉絲又多，上任何一個成人寫真網都見到佢嘜頭，查實阿妹經歷過好多辛酸換番嚟，過程中想搵個人幫都冇，反而害你嘅就有一大堆，其實剝衫又有乜好害呢？
Sherri表示，攝影師及幕後工作人員純粹係工作機器，絕對唔會提點裸模半句，所以裸模一定要即場檢視拍出嚟嘅效果，否則到出街嗰日你先知效果，到時就後悔莫及！佢話起初因為乜都唔識，結果拍出嚟嘅寫真低俗傻氣，同佢幻想展現出高貴優雅形象係完全兩回事，仲要被人取笑似村姑，無奈阿妹冇機會反擊，況且有機會都唔敢出聲，因為怕得罪同行，真係陰公！
5年可以拍幾多輯寫真呢？一般裸模拍攝接近300輯已經係極限，而Sherri相當厲害，已經超過呢個數目，當然唔係每輯寫真都係大製作啦！佢為咗爭取曝光率，有乜影乜，甚至自己掏荷包請攝影師拍攝，咁畀得錢當然係可以自己話事，鍾意點拍就點拍。而Sherri亦開設個人網站，將寫真掟晒上網益粉絲，再加埋跳舞騷表演，日剝夜剝，總之要打造一個幾時都有嘢睇嘅裸模。
咁多產，話寫真拍得高質素都唔信啦，確實阿妹都承認質素非常低俗，瞓醒未化妝又影，臨瞓前着睡衣又影，連放狗都影一餐，對巴打嚟講啱睇就望多兩眼，唔鍾意連留言都多餘，不過對Sherri就係一個最直接了解市場反應嘅好機會，由當日傻吓傻吓以為甜美笑容加靚偈係裸模成功方程式，經歷多咗，今日阿妹由外到內都無懈可擊，連擺個甫士都性感過人，呢啲咪經驗囉！所以話，想向上流唔係讀得多書就得，機會亦唔係靠人哋畀，學Sherri妹咁死做爛做，自然就會有出路啦！
出生日期：1990年8月8日
三圍：34C-24-34
身高：5呎4吋
簡介：今日嘅Sherri Chanel冇人不識，仲有好多又要睇又要數阿妹嘅網友，無他嘅，人紅招人妒，家陣阿妹可以做番自己，拍高貴寫真，舊時嗰啲低俗嘢一定畀人笑嘅，假如你唔想睇所謂Cheap嘢，最好去阿妹個人網站，大把正嘢等住你，Sherri又甜又Sexy，正呀！
網址：http://sherri-chanel.com/
撰文：祖