正所謂鹹魚青菜各有喜愛，但係相信大部分男士都鍾意外冷內熱嘅女仔，皆因可以慢慢發掘女方熱情一面，當中嘅神秘感令人心動不已。而內地模特兒何曼麗就係屬於呢類型，唔知佢會帶畀大家乜嘢驚喜呢？
喺北京出生嘅何曼麗，英文名Molly，今年24歲，但已經有相當豐富嘅社會閱歷。於2013年出道，憑住前凸後趷嘅火辣身材，配合外冷內熱嘅性格，令佢好快喺寫真界冒起，推出嘅寫真成為男士嘅收藏品。不過，大家又估唔估到，曼麗喺入行之前，從事乜嘢工作呢？阿妹畢業於北京經濟管理幹部學院，曾經喺電視台做編導，對於工作相當認真嘅佢，不論任何類型嘅節目都會全力以赴，縱然佢投身模特兒行列，仍然保持呢種工作態度，迎接每個挑戰。
至於佢點解會由編導轉型做寫真模特兒呢？佢就話擁有雙子座性格，鍾意嘗試唔同類型嘅工作。而喺一次偶然嘅機會下，佢客串做模特兒，發覺自己對呢種工作相當有興趣，之後決定轉行，從此踏上模特兒生涯。每次拍攝寫真時，為咗帶畀大家新鮮感，佢經常變換造型，亦樂於作性感演出，難怪佢咁受歡迎。除咗活躍於寫真界外，佢亦喺網絡節目做主播，甚至化身成遊戲迷，透過電腦遊戲同網民進行互動，阿妹咁識得冧粉絲，難怪人氣愈嚟愈高。
曼麗既要做寫真模特兒，又要兼顧其他工作，真係忙到出煙！事實上，佢喺呢半年期間，先後去到青島同銀川進行拍攝工作，同時每晚做健身同練舞，以保持最Fit狀態示人。如此密密麻麻嘅工作安排，表面睇起上嚟好辛苦，但係佢從來冇怨言，反而樂在其中。唔知阿妹咁努力搵錢，又會唔會盡情花錢呢？原來曼麗係一個非常節儉嘅女仔，唔會瘋狂購物亂使錢，好似早前佢睇中咗頂鴨嘴帽，結果考慮成個月至捨得買，佢話花費太多錢會覺得有罪咎感。搵到錢又慳家嘅靚女，試問男人點會唔冧吖！
問到曼麗依家最擔心係乜嘢？佢坦言擔心自己年華老去，佢喺微博話：「當我老了，不要嫌棄我可好……」既然女神驚老，最好搵個男人長相廝守，唔知佢嘅理想對象要具備乜嘢條件呢？佢就話：「合適嘅人不一定要情商多高，但一定要懂你的點。知道怎麼能讓你開心，這樣漫長的一生共度起來才不會費勁。他不會在你感性的時候講道理，不會在你氣得頭冒煙的時候跟你硬碰硬。」原來女神最理想嘅對象就係要夠體貼。
簡介：何曼麗冷艷嘅外形予人高不可攀嘅感覺，但其實佢內裏熱情如火，好識得氹男人開心。想了解更多關於佢嘅一切，就要留意佢嘅微博喇！
網址：http://www.weibo.com/u/3221797143?is_hot=1
出生地：北京
身高：168cm
三圍：35、25、35
撰文：魂