經常聽到啲人話唔想人生有乜嘢遺憾，其實一生人流流長，有啲嘢當時唔會知道係遺憾，到錯過咗之後至發覺原來對呢件事耿耿於懷。所以話，人生又點可能冇遺憾呢？
正正係因為唔想有遺憾，所以有啲人明知有可能係陷阱，都要冒險去試一試。好似唔少人都知道透過網絡廣告中嘅聯絡電話搵囡囡，當中有相當嘅風險，唔少新聞都報道過呢啲色情騙局。不過人就係咁犯賤，或者應該話男人慾火焚身時，真係乜嘢都會試。話說深圳坪山有位姓何嘅網民，喺網上聊天期間，見到有「找小姐上門服務」嘅訊息，於是打電話畀對方要求提供囡囡上門服務。對方要求何男先畀訂金，然後又以保證上門囡囡安全為理由，要求何男再畀保證金。大家睇到呢度，都知道箇中一定有景轟，但係色心起嘅何男繼續畀錢，一連畀咗4次合共13,700元人民幣後，仍然未見到小姐蹤影先至發現自己被騙。原來呢班騙徒以海南為基地，佢哋睇準鹹濕仔唔好意思報警嘅心態，透過電腦嚟犯案。據被捕嘅騙徒稱，已經呃咗超過20人，合共款項超過300萬元人民幣。
台灣嘅夜遊玩法以外送茶服務為主，其次先至係各類型嘅色情按摩院、養生館等。由於前者相對嚟講安全啲，同埋囡囡嘅質素有保證，故此對後者嘅生存空間帶嚟極大嘅壓力。為咗吸引玩家幫襯，單係透過網絡推廣已經唔夠宣傳效果。高雄市就有兩間色情推拿店以極為大膽嘅方法嚟拉客，就係讓店內嘅一眾囡囡露乳溝加長腿，吸引男人嘅目光，就算吸引唔到佢哋入店幫襯，都可以收到宣傳效果。呢種做法有利自然有弊，須知道呢啲色情架步早就被有關方面視為眼中釘，只要一收到線報，便會除之而後快。既然係咁，點解佢哋仍然繼續鋌而走險呢？答案好簡單，就係為咗生存。因為呢班按摩女郎好多都係以短期個人遊簽證到台灣，所以佢哋最多只係逗留兩個禮拜。喺呢段期間，不論對個場定囡囡嚟講，分分鐘都係錢嚟，而為咗搵多啲，兩者都甘願冒風險。
以前內地嘅性地，都流行嗌架白牌車去倉仔打木人巷，原來日本都有咁嘅玩法，而唔同嘅地方在於呢類風俗店以人妻為主，為咗遷就呢班家庭主婦，所以下晝先至係揀女嘅黃金時間。講到搵女嘅過程，首先玩家一定要有車，否則風俗孃係唔會跟你走，而玩法大致可分為兩種，一種係玩家揸車到風俗店，搵到啱心水嘅風俗孃後，玩家就可以載風俗孃去時鐘酒店曳曳；另一種則係玩家開車到風俗店樓下，然後風俗孃輪流上車畀玩家睇辦，睇啱嘅即刻開車走。不過大家要留意，唔係去任何一間酒店都得，事關風俗店有指定嘅酒店提供畀玩家選擇，因此玩家只能喺一堆酒店名單中揀選，然後至可以同風俗孃入閘。另外，有部分風俗孃為咗方便工作，故此喺個人介紹中會講明，可以到玩家屋企曳曳，只係呢類型嘅風俗孃收費會貴啲，卻勝在可以慳番啲酒店錢，邊樣抵啲就要自己計吓。
撰文：魂