係細佬太守舊定性愛應該如此？先有Dakota玩結婚，拉埋老公上成人網台專訪，阿妹仲話婚後堅持做脫星，今日又輪到Holly Michaels喇！早前有報道話阿妹正式回歸四仔界，之後佢就瘋狂接受傳媒訪問，有傳媒問Holly妹退役年多又復出究竟為乜？阿妹好輕鬆咁回答：「Well，喺離開嘅日子其實去咗訂緍，依家已經搞掂晒，所以有時間專心投入四仔工作囉！」咪住先，Holly Michaels話婚已訂，跟住又話搞掂晒，咁所謂「搞掂」究竟係準備結婚定已經結咗，還是因為埋門撻Q先返嚟做呢？訪問就冇講喇，呢啲都唔緊要，既然Holly妹搵到終身伴侶，點解蜜月期都未過，即刻諗住返嚟肉搏呢？莫非婚姻對脫星嚟講，只不過係另一份合約？