如果問大家每次睇寫真模特兒嘅靚相時，焦點會落喺邊度呢？雙峰當然係必睇位啦，無他嘅，佢哋個個都波濤「胸」湧，極之養眼。而大家睇梓安嘅寫真時，必睇位就多個選擇，就係渾圓嘅美股喇！
嚟自北京嘅26歲梓安，網名梓安安Baby，擁有足以謀殺鏡頭嘅魔鬼身材，36-25-37嘅三圍數字夠晒動人，所以大家欣賞阿妹嘅寫真時，絕對係視覺享受，不但一對巨乳吸睛，渾圓嘅美股更係誘動男人嘅心。梓安散發出成熟女性美，讓鍾情熟女風情嘅男士搵到心中所愛，而睇慣嫩模寫真嘅男士，亦可以欣賞到佢成熟嘅魅力，難怪阿妹每次有新網絡寫真推出時，總會成為男士嘅話題。
梓安憑住優秀嘅外在條件，以及成熟韻味，獲得唔少廣告商睇中，搵佢拍攝各類型商品，例如時裝、內衣、首飾等嘅平面廣告。此外，佢喺網絡上擁有超高人氣，亦被網店睇中，邀請佢擔任商品展示嘅模特兒，而最近佢喺網絡直播平台上主持節目，實行為自己嘅事業打開前路。
梓安擁有一副美好身材，究竟係點樣煉成呢？喺中央民族大學舞蹈系畢業嘅佢，精通各地民族舞蹈，經過多年嚟習舞，鍛煉成誘人無比嘅身段。而為咗保持體態，即使工作有幾咁忙碌，佢每日都會抽時間練舞、打籃球同跑步，努力做運動。
另外，梓安係一個工作狂，無時無刻都會鞭策自己，亦因為對工作嘅重視，每當聽到人侮辱佢嘅寫真時，都會相當唔忿氣，佢曾喺微博表示：「有時候會被人說質素低，說我各種難聽的話。可是對我來說這是工作，也是一個模特（兒）最基本可以做到的。我雖然不是特別好，但我不是婊，不用老戴着有色眼鏡來看我。喜歡，你就支持我；不喜歡就別看我，我們別相互影響心情。」從中唔單止感受到佢對工作認真嘅態度，字裏行間更滲透出佢勇於表達自己及直率嘅性格。佢坦言：「相信我，世界上百分之九十的煩惱都可以用錢解決，所以好好賺錢，沒壞處。」講得夠真又坦白，難怪得到咁多粉絲支持。最近佢除咗忙於網絡直播同寫真工作外，就係為個人網絡商店而努力，唔知踩入商界嘅佢，會唔會成為新一代嘅商界女強人呢？
簡介：鍾意打籃球嘅梓安，原來亦係啱啱退役NBA球星高比拜仁嘅粉絲，早前佢睇完高比引退前最後一戰後，喺微博傷心表示就算退役後仍會繼續撐對方。唔知到佢退出寫真界時，又有幾多人會掛住佢，而你又會唔會係其中一個呢？
網址：http://www.weibo.com/u/5528530630?is_hot=1
出生地：北京
身高：168cm
三圍：36、25、37
撰文：魂