中國經濟火速發展，雖然近期有放緩迹象，之不過內地有成十三億人口，一人幫你買一件商品都一樣係大生意，即使係日本AV界亦覬覦內地呢個大市場，積極瞄準及進軍！早前舉辦嘅「上海國際成人展」，又再次吸引到大批AV女優到來開發內地市場喇！
之前師傅成日同我講，叫我講好啲普通話，咁先可以北望神州，幫助自己喺內地發展事業，同內地人做個採訪都容易啲溝通啦。之不過，徒弟仔我一向懶過隻豬，除咗夜蒲時同北方佳麗講吓唔鹹唔淡嘅普通話之外，其他時間一律支持本土語言。不過就因為疏於練習，家陣至嚟後悔喇！4月14至17日係內地成人娛樂界舉行咗一大盛事 ——「上海國際成人展」，喺呢個時間可以見到大批來自日本嘅AV女優踩場，佢哋唔少為咗喺內地掘金，早已經學到幾句普通話同大家打招呼喇！今次上海國際成人展已經舉辦到第十三屆，參展嘅日本AV界相關單位相當多，佢哋都派出專屬女優到場，而當中以近期銳意發展大中華市場嘅KMP表現最積極，一共派出三位女優，包括星美梨香、佐倉絆以及友田彩也香演出，SOD連同旗下飛機杯品牌TENGA都只係派出工業界小淫娃紗倉真菜，同KMP可謂相形見絀。
除咗上述嘅女優，出席嘅仲有其他知名女優，包括有無敵火辣靚偈，人氣爆晒燈嘅Julia、虎牙巨乳甜心彩美旬果、逢騷必見嘅香西咲、被綁專家水菜麗，以及巨乳黑妹松本芽衣等，個個都係一二線女優，可見內地市場對日本AV界幾咁有吸引力。每個女優都各自為佢哋嘅所屬單位努力出賣色相，好似紗倉真菜咁大玩變裝，扮完美少女戰士又扮女僕，至於佐倉絆、星美梨香及友田彩也香作為KMP專屬組合Million Girls Z成員，當然有載歌載舞，令現場氣氛更加熾熱啦。至於Julia雖然貴為一代AV天后，可惜表現唔係咁理想喇，佢着到密密實實上台，後來只係應觀眾要求輕輕咁露出胸圍而已，唔通人紅咗就會咁錫身？
香西咲同水菜麗兩位都係出晒名嘅喪妹，演出亦一如以往咁養眼又刺激，以比堅尼上到舞台盡情搔首弄姿，令班內地觀眾個個都舉起……部手機喪影。另外，咁多日本妹踩場，內地美女亦唔輸蝕，好多都打扮性感袒胸露腿，喺場內嘅檔位推銷情趣用品。提到成人展內嘅攤位，今屆各界情趣用品商參展踴躍，所謂有競爭就有進步，咁多參展商就製作出大躍進，雖然仲有好多檔位展出普通過普通，見到都令人冇晒性趣嘅核突吹氣公仔，之不過亦有參展商出奇招，例如搵模特兒作真人示範一系列SM道具玩法，又令大家開眼界喇。適逢近期影音界推出大量VR眼鏡，今屆亦有參展商食住個勢推出埋專睇鹹片嘅VR眼鏡，仲可以連接到男士專用自慰器，令睇鹹片嘅享受大大提升，我都想買番套呀！
撰文：賢