2016 Inked Awards紋身脫星頒獎禮又嚟喇，確實好多四仔迷都冇興趣了解，但同時間業界都唔志在你哋關注與否，因為頒獎禮嘅目的係畀一班Inked Angels，即紋身辣妹興奮吓啫！
今屆2016 Inked Awards將會於11月5日舉行，但有別於往年，大會提早對外發新聞稿，好明顯係想吸引更多廣告商泵水贊助啦，而大會同時公布由扮惡搞「小丑」扮到出晒位嘅Kleio Valentien擔任司儀一職，表演嘉賓則由Anna Bell Peaks及Catherine Tayler兩位紋身妹負責，加埋近年喺主流四仔界起晒朵嘅紋身脫星，有理由相信呢個頒獎禮發展落去，無論吸金能力或叫座力都勁過嗰啲「公式頒獎禮」呀！
講開頒獎禮，其實脫星爭餐死都係為咗攞獎，但Inked Awards只接受有紋身脫星玩，如果純為捧獎，脫星紋個身就有資格被提名，咁點計都容易過嗰啲頒獎禮爭入圍，計落有着數喎！你睇Kleio Valentien咁快就可以擔大旗做主持，嗰啲姐仔捱咗十年連提名都未有，既然性虐都玩得，咁喺腳板底紋個身又有乜所謂呢？
網址：http://inkedawards.net/winners/
撰文：祖