近年電視台有好多旅遊節目，教大家呢度去嗰度去，享受人生樂趣。之不過，個節目要好睇都需要搵到有料嘅主持，好似早前一個講出國露營嘅節目咁，3個主持簡直唔係呢一科嘅材料，真係睇到要熄電視！唔好咁嬲住，唔睇佢哋，可以轉睇兩個淫娃去旅行，佢哋就係月島菜菜子同椎名空喇！
小弟成日都話家陣作為日本AV迷真係無比幸福，除咗有大量不同類別嘅AV作品及AV女優供大家選擇之外，想同女優見面比起十幾廿年前嚟講容易得多，甚至可以話係易如反掌，事關為咗推銷，令自己演出嘅作品能夠從芸芸AV碟中突圍而出，AV廠同女優都會密密外出宣傳，開握手會及攝影會，只要大家有時間又手頭鬆動的話，就可以睇吓女優去邊度做宣傳，然後同佢哋合照，部分女優甚至可以為有幫襯嘅AV迷採耳垢同按摩添！不過，呢種推銷都屬於被動性質，較少女優會親身走上街頭賣碟，最近由月島菜菜子同椎名空組成嘅二人女子組合BIBIANS就做得到喇！早前兩位女優被所屬嘅AV廠BIBIAN，吩咐進行一次大挑戰，要佢哋旅遊日本國內多個地點，期間要推銷二人嘅AV作品《女同解禁網友聚會文件》。
BIBIANS兩位淫娃嘅旅程由4月6日開始，至4月10日結束，期間要賣出一千隻AV碟先至算達標完成挑戰，佢哋嘅第一站係北海道。到達目的地後，兩個淫娃突然玩起電波少年情節，着到鬼咁惹火咁喺公路旁邊截車，同時向司機們推銷作品，司機們見到佢哋咁索咁性感，梗係速速「磅」唔好兩頭望啦。到第二日，旅程繼續喺北海道，而活動地點就集中於札幌一間DVD店，喺門口拉客嘅時候，兩位淫娃固然着得夠晒醒神養眼啦，月島菜菜子仲嚟個立定一字馬吸引途人，DVD店老闆話有兩位出現，來客比平時多咗幾倍！第三日，佢哋轉戰福岡，第四日就去到大阪同名古屋。完成名古屋之行，銷情只不過係賣得498隻碟，仲有502隻碟點算呢？幸好最後一日就返到東京秋葉原開設一個大型攝影握手會，憑住兩位嘅號召力，令呢五日旅程一共賣咗1,041隻AV碟，終告挑戰成功，兩位淫娃仲感動到相擁流淚，場面相當感人。
其實喺秋葉原握手會，能夠賣出超過五百隻碟，除咗因為兩位淫娃知名度有番咁上下外，仲因為二人呢個磨豆腐組合正好迎合女性AV迷嘅需求，入嚟幫襯嘅AV迷唔少係女仔添，佢哋對豆腐片出奇地熱愛，而為咗滿足一眾出錢出力支持嘅女AV迷，菜菜子同椎名空唔止以性感內衣上陣畀佢哋影相，又嚟個現場磨豆腐，仲齊齊向女AV迷獻吻，表現相當落力，令AV碟銷情火速升溫。不過，二人成功挑戰呢次考驗，AV廠隨即又有工作畀佢哋，就係派BIBIANS去菲律賓走一轉，今次就真係玩電波少女橋段，需要二人用自己嘅方法去旅行。由於經費不足嘅關係，二人到達菲國後，搭車搭船都係靠自己求人，雖然係咁，兩位淫娃拍住上，仲同當地嘅平民百姓玩得不知幾開心。當然，AV廠派佢哋去當地梗係唔係咁小兒科啦，相信BIBIANS會倣效知名嘅《裸之大陸》系列咁，暗中搵當地人嚟個床戰，再製成AV碟上市，遲少少應該會有公布喇。
撰文：賢