娶個千金做老婆

以前話釣金龜係女人嘅專利，但係家陣唔少男士都希望娶到一個豪門千金，成為有錢人，真係贏在起跑線呀！現實中未輪到你嘅話，唔緊要，呢個時候咪打吓機嚟滿足幻想囉！呢隻由日本成人遊戲商Lass Pixy推出嘅作品《Pure Marriage ～紅線物語 Madoka編～》，一定可以彌補到大家現實中嘅缺失。

遊戲中嘅男主角美咲桃（一個好女性化嘅名），喺一次偶然嘅機會下救咗城中著名超級富豪個千金廣原‧D‧Celica，因此超級富豪就想將個女嫁畀桃作為報答。呢種咁童話般嘅劇情，按道理係人都會（舌累）飯應，但原來桃有個青梅竹馬美少女星星丘小圓，女方亦暗戀咗桃好耐，跟住仲有個同樣暗戀桃嘅美少女，又話要嫁畀佢做老婆。無啦啦有三個美少女都話要做自己嘅老婆，莫講話對桃嚟講好難揀，就連玩家都覺得頭痕，喺愛情同麵包之間究竟揀邊樣好呢？

開發商：Lass Pixy