如果要數日本經典嘅成人遊戲大作，由成人遊戲商Nitro+喺2009年10月30日推出嘅《裝甲惡鬼村正》，絕對係其中一隻。以刀劍、裝甲、機械人同反英雄作為賣點嘅佢，單係出場角色已超過300位，而講到當中最具人氣嘅角色，非女主角三世村正莫屬，除咗因為佢外形妖氣十足外，激凸身材夠晒養眼，難怪模型長出長有。
既然佢嘅模型已經推出咗唔少，咁呢個最新登場嘅作品又有乜嘢賣點呢？今次佢以性感又養眼嘅黑色兔女郎Look示人，低胸套裝下露出嘅迷人乳溝，固然成為模型嘅焦點，仲有佢嗰對黑絲美腿，加埋一對黑色高踭鞋，同樣睇頭十足。當然，必睇位梗係唔止咁少，從後面睇嘅話，仲會發現誘人無比嘅美股，輕易刺激到大家嘅心跳添！
全高：約240mm
售價：約HK$892
發售日期：7月
撰文：魂