武學上有句說話叫做練拳唔練功，到老一場空，要成為一個武林高手，最好就係內外兼修，招數精煉之餘，仲要有強大內力配合。而要學習床上技巧，則要圖文並茂，睇情色工具書之餘，亦要睇吓圖鑑依圖行事，咁樣先學得夠立體夠深入透徹，就算學唔到，過癮一下都好。
日本AV界有好多柔軟嘅一等一美人女優，唔係話佢哋胸前嘅雪白雙峰質感軟綿，而係佢哋筋骨柔軟，能夠做出好多常人做唔到嘅動作，好似上原亞衣、美織舞、鶴田加奈等都係知名嘅軟體女優，最近推出寫真集嘅君戶步實亦係深諳柔軟體操技巧嘅美人兒。
君戶步實曾經係AV大廠S1嘅一員猛將，後來因為不被重用而離開，之後仲引退，到上年重新投入AV拍攝工作。復出嘅步實樣貌一樣咁標致，一副嬌巧而不失豐滿感嘅胴體依然咁鮮嫩吸引，最重要嘅係軟體特質依舊。喺寫真集《The new super-pose book Volume 02》 當中，步實以全裸姿態演出，做出各種不同嘅動作展露胴體之美，唔少動作都屬高難度，令人大開眼界。
書名：《The new super-pose book Volume 02》
售價：約HK$203
Tantric Massage解做密宗按摩，係一種神秘同時又健康嘅按摩體驗。據稱密宗概念源於古老佛經，意思大致係「身體、精神及心靈」三者統一，由於密宗非宗教，而係精神之路，既不反對性愛甚至推崇性愛，好等追求者喺性愛過程中更了解自己身體，而喺密宗世界，男女都可以互相接受按摩，結果被人誤以為係色情按摩！
細佬當然明白，冇人想知密宗起源係乜，但又好想試試密宗按摩有幾舒服同有幾過癮。冇問題，《Tantric Massage For Beginners》係一本針對密宗新手嘅天書，你就可以初步掌握密宗按摩喇！本書話其實密宗按摩傳統上分為兩類，先係冇任何敏感部位接觸嘅「意念密宗按摩」，及有性器官接觸嘅「性感按摩」，只需一支按摩油就按得，被按者喺過程中只要全身放鬆便可直達高潮，對性功能障礙男女都好有幫助（口架）！
書名：《Tantric Massage For Beginners》
售價：約HK$93
有調查發現，唔少男女都會透過AV嚟學習性愛技巧，只係大家都知AV中嘅所謂技巧，唔少都係為咗提升官能刺激，不切實際之餘，更有唔少專家指出呢啲性技甚至會影響健康。既然係咁，點先至學到正確嘅性愛技巧呢？呢本由日本人氣性愛醫師兼作家宋美玄，所著嘅性技指南《有愛的絕技最銷魂：女醫師教你真正愉悅的性愛關鍵69》或者可以作為參考。身為婦科醫師及日本性科學學會會員嘅宋美玄，曾著有多本關於性知識嘅書籍，而喺呢本作品中，佢更係開宗明義指，如果真係愛你嘅侶伴，就唔好因為用錯性愛技巧而傷害對方。為咗令初學者掌握箇中技巧，又同時令性愛高手嘅技術得到提升，佢以深入淺出嘅69種技巧，並引用豐富嘅事例，以滿足唔同程度男女嘅需要。好似佢喺書中表示，性技巧唔單止男士需要付出，女士亦要不斷學習，透過經驗嘅累積，先至可以達到理想嘅結果。此外，佢又指現時男女交歡時，總會好似狂風暴雨般進行，如果想令床戰變得更加動人，行事之前必先要有浪漫嘅氣氛，並且透過提高性趣嘅接吻技巧，至可以達到令大家都感到愉悅嘅目的。不過點樣先至可以營造浪漫氣氛，而接吻又有乜嘢技巧呢？咁就要等大家自己慢慢睇喇！
書名：《有愛的絕技最銷魂：女醫師教你真正愉悅的性愛關鍵69》
作者：宋美玄 譯者：陳系美 售價：約HK$70
撰文：賢、祖、魂