底褲除咗為重要部位提供保護，仲係一種衞生習慣，之不過專家就話男人入睡最好唔着底褲。泰國有潑水節，其實返內地一樣可以玩水，仲有好多比堅尼美女添！難得邀請到女仔上自己屋企，相信大部分男人都希望女方可以留低過夜，但有調查顯示日本男人原來唔係咁諗。
所謂一張廁紙同一條底褲都有佢本身嘅用處，底褲對於男人可謂相當重要，如果唔着底褲的話，少咗一層保護，小便完畢之後拉上拉鏈分分鐘會令寶貝受傷，相信唔少男士都試過箇中傷痛。而出席社交場面，萬一被人發現自己冇着底褲，相信亦會受到他人指指點點。底褲係男人嘅貼身恩物，但係瞓覺嘅時候就唔需要佢喇！美國泌尿科博士Brian Steixner就話男人着住底褲瞓覺的話，會因為下體太侷促而令陰囊溫度上升，大家都知道溫度對於精子生產有莫大關係，太高溫度就會令精子質同量都下降，想生育嘅男人要留意喇。另一方面，博士仲話溫度太高亦會令三角地帶嘅細菌孳生，而底褲亦會喺男士睡夢中輾轉反側期間磨損三角地帶嘅肌膚，照咁睇嚟男士們都係嚟個無底睡眠最醒目喇！
近幾日天氣又濕又熱，一出街就搞到成身汗，真係好想去游個水涼快一下。咁去邊度游水好呢？我就建議大家去內地安徽合肥一個號稱為世界最大型嘅水上樂園見識一下。早前呢個水上樂園請來10多位美女登場，每個美女都身穿火辣性感比堅尼，喺樂園當中玩水又射水，實行為大家降溫。當日班比堅尼美女唔單止上齊架生又打扮性感，玩起上嚟相當落力，又跑又跳，搞到樂園就算冇人造波浪，亦一樣波濤「胸」湧，為當日嘅200多位來賓提供無比視覺刺激！本地主題公園嘅水上樂園好快就會動工完畢，如果學合肥呢個水上樂園咁就一定吸引大量男士入場，唔使愁冇人幫襯啦！
小弟單身咗好多年，身邊唔少朋友都為我嘅感情生活而憂心忡忡，驚我會無伴終老，孤獨一生，叫我好好醜醜搵個老婆結婚生仔。老實講，搵女友唔難，但係要搵個好老婆真係好難，如果唔理好醜但求就手咁搵個女仔結婚，婚後相處唔嚟咪盞自己人又老錢又冇，老婆又走埋佬，所以小弟都係寧缺勿濫。唔知大家又係咪咁諗呢？日本男人嘅諗法就係同小弟相若喇。早前日本有一個街頭訪問，問到受訪男士如果有一個佢哋認為興趣不大嘅女仔去到佢哋屋企作客至夜深，佢哋會唔會刻意咁留對方過夜方便有下文？結果有26%受訪問男士表示會留對方過夜，有人就表示有冇下文都係其次，最重要係一個女仔夜深獨自返歸好危險，都幾有風度喎。至於其餘嘅74%就話唔會畀對方留過夜，送到埋嘴邊都唔食！有受訪者表示對該女仔興趣不大的話應該都好難相處融洽，即使有下文事後都唔會開心，不如幫佢哋叫出租車，車佢哋返屋企好過喎！
撰文：賢