索女當頭起 唔睇冇道理

片山萌美 又高又大

早前有朋友問我，知唔知道一個以三國為題材嘅手機遊戲，該個電視廣告中嘅美女係邊位？小弟一睇就認得出，佢就係近期極受廣大男士注目嘅極品小美人片山萌美囉！今年25歲嘅片山萌美出道拍寫真大大話話都已經有4年，不過初出道嘅時候因為要兼顧學業，令阿妹唔敢接太多工作，所以即使受到寫真業界賞識，其曝光率亦唔算太高，到近期拍咗一輯手機遊戲廣告，加上拍寫真時大有突破至廣為人熟悉。

老實講，萌美真係正得緊要，5呎7吋身高，喺現今日本寫真界可以話係鶴立雞群。高挑得嚟，萌美仲有對36G純天然大肉球，普通寫真女優同佢點比吖！寫真DVD《我巡遊》就係萌美嘅最新作品，當中阿妹為咗刺激大家嘅視覺施展渾身解數，玩完濕身又去沙灘跳跳紮猛拋波，另外亦有唔少場面凸顯儒雅一面，例如喺櫻花樹下散步，及以便服喺室內展現賢淑味道，一隻碟就有多層滋味，正呀！

碟名：《我巡遊》

收錄時間：112分鐘

售價：約HK$293

大澤玲美 健美跑手

家陣好多女仔都熱愛跑步，不過，從好多女長跑好手身上，都可以發現屢歷長跑，體內脂肪日漸減少，但心口兩團脂肪都好似變細埋。然而，情況卻未出現喺人氣持續上升嘅大澤玲美身上，實在係天賦異稟。大澤玲美喺2011年成為少女雜誌嘅模特兒，到2015年參加選美比賽「日本Telegenic」因而冒起頭來，其充滿清潔感嘅美貌以及綺麗脫俗氣質絕對係一大賣點。除咗面孔之外，大澤玲美嘅肌膚好似雪咁白，34F-23-34嘅三圍玲瓏浮凸又健美。唔講唔知，大澤玲美一向都好鍾意運動，特別係長跑，早前阿妹就參加完馬拉松比賽喇。另一方面，玲美對跑馬都好有興趣，家陣電視台唔少賽馬資訊節目都搵阿妹做助理主持。

玲美狀態極佳，喺最新嘅寫真DVD《心跳花環》中，佢盡顯運動能手本色，換上泳裝就真係入水能游，再變身成為體操美人又可以一騷柔軟體質，另外仲有好多露出度甚高嘅服裝演出，畀大家細心欣賞佢充滿彈性嘅青春胴體。

碟名：《心跳花環》

收錄時間：100分鐘

售價：約HK$293

撰文：賢