近幾年日本寫真界處於狂「峰」暴「乳」狀態，因為好多女優都擁有巨型上圍。不過，大家唔好以為佢哋個胸得個大字，其乳大得嚟堅挺，兼且彈手又美觀，絕對係極品美巨乳，就好似今日為大家介紹嘅中村靜香同南鈴咁喇！
記得幾年前師傅退休嘅時候，除咗同我講好多做人道理之外，仲將其獨到嘅大勢分析話我知，更加將好多珍貴書籍送畀我，令我受用良多。其實好多女優喺退休嘅時候都會特別為大家送出最落力最具震撼性嘅演出，希望喺粉絲心中留下深刻嘅印象，即將退出寫真界嘅南鈴亦唔例外。
南鈴樣子精靈可愛，面孔帶有一種調皮搗蛋嘅鬼靈精特質，同佢相處一定會有好多趣事唔使怕悶喇！南鈴喺寫真界出道以來唔係靠面孔搵食，因為阿妹嘅身材實在太火辣，雖然佢身高差1吋先夠5呎，但係細細粒卻擁有一對37吋導彈級I奶，認真係廟細燈籠大！據講南鈴一心想做爵士樂歌手，故決定退出寫真界，而寫真DVD《卒業》就係阿妹嘅引退作。喺本作當中，南鈴施展渾身解數，換上嘅裝束大部分都只係僅僅遮住三點，將大量胸肉露晒畀大家欣賞，而阿妹仲會不停倒奶、夾奶、擠奶，愛奶人士真係唔可以錯過呀！
碟名：《卒業》
收錄時間：120分鐘
售：約HK$293
已經二十有七嘅中村靜香仍保持一面天真稚氣，睇落似十零廿歲嘅少女，相當難得。另外，我仲覺得阿妹叫靜香真係冇錯，因為靜香青春可愛之餘，仲帶有一種文靜氣息，而一副34F-24-34胴體豐滿鮮嫩，又滑又彈嘅肉哋就算隔住個鏡頭都令人感受到箇中溫香。
靜香出道差不多13年，最近更嚟個大突破！阿妹喺寫真DVD新作《靜香之聞》當中，扮演一個女演員，講述佢同拍攝團體其中一員關係密切，趁冇人嘅時候兩人更係行為親暱，靜香仲會不斷換上性感無比嘅打扮向對方大送秋波，製造出令男人難以抗拒嘅視覺誘惑。不過，外人就以為靜香以美色換取工作，實質上二人嘅感情已經進展為情侶。
碟名：《靜香之聞》
收錄時間：120分鐘
售價：約HK$293
撰文：賢