每當有愛情題材嘅成人遊戲作品推出，總會有唔少好此道嘅玩家捧場，根據調查發現，愛情類成人遊戲係最受歡迎嘅題材。不過玩得多呢類遊戲，唔多唔少都會覺得悶，如果係咁嘅話，呢隻由日本成人遊戲商LiLiM DARKNESS推出嘅《Dearest Blue》，相信會畀到大家新鮮感。呢隻遊戲雖然同樣以愛情為題材，但內容卻又有啲唔同。故事講述眾人心目中嘅女神鳳理央，喺大家面前嘅形象一直都係強勢又有辦事能力，只係佢嘅青梅竹馬兼男主角高塚真守，卻好清楚鳳理央其實係個不懂世故兼天真無邪嘅美少女。鳳理央喺一次選美活動中成為冠軍，並且被一間娛樂事務所睇中，想捧佢做偶像。本來鳳理央唔係好願意，只係因真守一句無心嘅說話，最後決定加入娛樂圈。不過佢估唔到原來呢次出道事件背後其實有個陰謀，就係將鳳理央變成有錢人嘅性奴。得悉事件真相嘅真守，決心守護鳳理央，卻受到無數狠毒手段嘅折磨，究竟兩人最後能否逃離魔掌呢？