女優表演吹奏係AV指定嘅表演環節，只係喺日本十八禁漫畫中，雖然亦有唔少吹奏場面，但好多時只係入正題前嘅點綴，所佔嘅篇幅唔多。如果想欣賞精彩萬分嘅吹奏場面，就唔可以錯過日本成人漫畫家藤Masu嘅作品，尤其係佢嘅代表作單行本漫畫《Sweet Lip》，更係呢位「舌戰大師」嘅必睇之作。
藤Masu作品嘅最大特色，除咗畫功同線條相當流暢，同埋女角色個個萌味十足外，更因為佢對於吹奏場面有深入嘅刻畫，同時透過淫氣滿溢嘅畫面，挑起大家嘅官能刺激。以同人漫畫家身份活躍於漫畫界嘅佢，花過一段時間喺磨練畫功同構圖上，偶然又以插畫師嘅身份，為商業產品繪畫插圖。及至2008年時，佢開始以成人漫畫家嘅身份，喺成人漫畫月刊《COMIC快樂天 BEAST》發表處女單元故事《虛幻遊戲》。憑住華麗吹奏場面，令佢呢個單元故事甫推出便備受注目。由於佢嘅畫功相當成熟，故此曾有唔少人懷疑過「藤Masu」其實係某位資深全年齡向漫畫家嘅化名，以另一個身份進軍成人漫畫界。
隨住佢嘅人氣飆升，喺2010年5月終於推出首本單行本作品《Honey Syrup》，而且反應出乎佢意料咁好，尤其係對於作品中嘅吹奏場面、女角色吹奏時嘅享受表情，以及男主角嘅反應，更被成漫迷激讚，幕幕舌戰甚至被喻為其他成人漫畫嘅吹奏指標。人氣飆升嘅同時，佢開始喺另一本成人漫畫月刊《COMIC MEGASTORE》上發表作品，而佢喺2010年12月推出第二本單行本作品《Sweet Lip》，正正收錄咗呢段時期喺《COMIC MEGASTORE》上發表嘅單元故事。人紅咗工作量亦不斷增加，忙於其他範疇工作嘅佢，斷斷續續發表成人漫畫，故此去到2014年4月，佢先至推出第三本單行本作品《為你用心化妝》。
正如日本宣傳時嘅口號「超舌艷技」一樣，《Sweet Lip》所收錄嘅故事，不但全部都有口舌之爭，仲要幕幕都吹奏到汁液橫飛，單係呢個場面已經值得一睇再睇。全書共收錄《Sweet Lip-milk》、《會長也有思春期》、《Lip Service》、《Wild Pretty》、《吾城院千金的煩惱》、《吾城院少爺的希望》、《吾城院千金的自我放縱》、《吾城院少爺的侍從》、《吾城院美戌的偵探日記 第一日》、《吾城院美戌的偵探日記 第二日》、《吾城院美戌的偵探日記 第三日》、《干支的新娘》、《Face end llma action》及《Sweet Lip -milk-/ -bitter-》合共14篇作品。每個故事都相當精彩，而且內容亦相當流暢，若講到最令人印象深刻，則要數《吾城院少爺的侍從》同《干支的新娘》。
《吾城院少爺的侍從》講述吾城院家富二代調教落難千金嘅故事。印藤財團嘅獨生千金印藤優夜嘅屋企不但勁有錢，而甜美嘅外形更令佢裙下之臣無數，個性驕傲嘅佢就連吾城院家二少爺申一都睇唔起。點知有日印藤財團被吾城院家吞併，從此優夜便淪為申一嘅女僕。由於自細嬌生慣養加上家道中落關係，故此佢被申一嘅一班女僕排擠。某個早晨，優夜被派去叫申一起身時，卻發覺呢位二少爺不但有裸睡習慣，並且鍾意讓女僕用小嘴將佢叫醒。睡得昏昏沉沉嘅申一，唔知出口術之人係優夜，卻因為前所未有嘅快感，就係爆發一刻先至知道原來對方係優夜。估唔到申一聲稱鍾意咗優夜好耐，令優夜一直以嚟嘅委屈盡數釋放，更決定將自己獻畀對方。
至於《干支的新娘》 則係「吾城院」系列嘅前傳，講述吾城院家大老爺吾城院義光，同佢老婆春奈年輕時嘅愛情故事。話說當年開設生產工場嘅義光，由於唔識電腦，故此喺一次入貨中錯誤買入大量原材料，仲要畀客人追佢交貨。幸好呢個時候得美少女好友春奈幫忙，輕鬆為佢解決所有問題。正當春奈喺度沾沾自喜之際，卻唔小心撞跌堆積如山嘅原材料，好彩身手敏捷嘅義光出手相救，卻因此而頭部受傷。出於歉疚嘅緣故，春奈幫忙義光包紮頭部，並答應以後聽晒義光嘅話。義光聽到平日相當高傲嘅春奈竟然會講出咁嘅說話，便戲稱讓春奈幫佢吹奏一番，點知春奈不但照做，更吹奏到義光無比舒暢，更激發起春奈無比嘅欲望，於是兩人就咁激戰起嚟。經過一輪汁液橫飛嘅狂野激戰後，義光大膽地向春奈求婚。原來吾城院家嘅故事，就係咁樣開始！
作 者：藤Masu
出 版：CORE MAGAZINE
頁 數：208頁
撰文：魂