所謂寧買當頭起，特別係睇AV嘅時候，梗係要揀個狀態十足又多人捧場嘅女優！今次為大家介紹嘅一本寫真集以及一本情色工具書，就分別來自頂尖嘅AV女優以及頂級嘅AV男優喇！睇完之後保證大家有嘢學，雖然未必會令自己嘅實力提升到頂峰，但係至少可以有頂尖視覺享受。
日本AV廠當中，以S1擁有最多極品AV女優，之不過同S1屬姊妹AV廠嘅Moodyz地位同樣咁高，廠內嘅專屬女優陣容一樣唔輸蝕，例如Julia、神咲詩織、初音美野里等都係業界首屈一指嘅女優，唔好忘記仲有初川南喎。今年21歲嘅初川南喺前年出道就一直都係M廠嘅專屬女優，可見阿妹幾咁受廠方寵愛。而初川南的確優質，一來個樣夠嬌俏可人，雪白嘅胴體婀娜豐滿，演出緊張到肉更加令AV迷睇得如癡如醉，令阿妹更加一度被稱為業界五甲之一。最近，初川南除咗忙於拍AV，仲抽咗少少時間出嚟拍第二本個人寫真集《初代表！！》，當中初川南會有好多鏡頭展露其白滑嫩軀嘅誘人美態，亦會喺陽光普照之下，將陽光氣息同初川南嘅活潑可愛融為一體，一定令大家睇到精神奕奕，好似南妹咁狀態十足！
書名：《初代表！！》
售價：約HK$271
每當我哋講到日本嘅AV，話題總會落喺一班性感迷人嘅女優身上，只係單憑女優係唔夠嘅，男優同樣舉足輕重！講到現今最具江湖地位又有人氣嘅AV男優，就非喺1979年於日本千葉縣出生嘅清水健莫屬，清水健家陣仲出埋書，喺《AV男優Q&A：從業界秘辛到性愛技巧，SHIMIKEN完全爆料！》中大談AV秘聞同內幕，絕對值得大家捧場。呢位從事男優工作長達17年，演出超過7,500套嘅頂尖男優，喺2015年Sky PerfecTV成人放送大獎中榮獲「最想同佢上床嘅AV男優」殊榮。如此深厚嘅資歷，道盡AV中事梗係唔可以錯過啦！講咗咁耐，究竟佢會大爆乜嘢AV秘聞同不為人知嘅事呢？喺書中，清水健大談一日未去到AV拍攝場地，一日都唔會知作為對手嘅AV女優係邊個。此外，佢又透露男優嘅職業病唔係腰痛，反而係頸痛。另外，佢仲會剖白男優點樣同女優相處，並暢談當中嘅趣事。當然，佢仲會分享自己對性愛嘅睇法，好似潮吹係咪男人嘅浪漫、點樣提升吹口琴嘅技巧、平時點樣操練自己嘅性耐力等等。對好奇AV世界嘅讀者嚟講，呢本書一定可以滿足到大家。
書名：《AV男優Q&A：從業界秘辛到性愛技巧，SHIMIKEN完全爆料！》
作者：清水健（SHIMIKEN）
售價：約HK$70
愛情事必令人發光發亮，感到甜蜜幸福？其實大部分所謂愛情都係金玉其外，埋藏背後嘅陰暗面先最令情侶刻骨銘心呀！情慾小說《The Bad Ones》嘅內容亦係不少時下情侶嘅寫照，自私、欺騙、背叛每日重複上演，問題係你會選擇視而不見抑或轉身離場？小說男女主角則選擇有仇必報，互相出賣已變成習慣，無奈多年感情難以一時放下，感性敵不過理性，致令女方繼續痛苦留下，但同時佢知道這個賤男不能留，即使無法再擁有都不讓對方好過，決定要以牙還牙，你偷食時我出軌，可惜都無法平衡內心嘅不忿，兩人甚至發展到將出賣視為競賽，睇吓邊個最先忍唔住開口。作者描寫男主角為世紀賤男，既要公然偷食，而為咗勝出「比賽」，實行軟硬兼施，一方面保持情侶關係，面對女方極其野蠻暴力，髒話臭罵都毫無悔意，但同時選擇對出軌女友呵護備至，要令女友精神錯亂先心息，咁瘋狂嘅愛情故事，究竟最後誰勝誰負？
書名：《The Bad Ones》
作者：Stylo Fantome
售價：約HK$15.5（電子版）
撰文：賢、魂、祖