為咗令房事唔好有阻礙，男女都會喺事前小個便，不過專家就話咁做會帶來健康風險，仲會影響樂趣喎。所謂醫食同源，身體健康同飲食有莫大關係，想增加閨房之樂應該食咩至好呢？打好同事關係可以令工作更有效率，所以喺日本就有好多人喺公司內大搞男女關係囉！
好多人喺搭長途車之前，都會去廁所排泄得一乾二淨，以防於車程當中有便意。之不過，如果喺做愛之前女性咁做就有風險喇！美國一位泌尿科醫生David Kaufman博士表示，以往有人呼籲女士喺進行性愛之前去廁所，令交歡時更加順暢愉快，其實呢個係錯誤嘅做法，係時候要糾正誤解。博士話性愛前小便係令好多女性患上膀胱炎及尿道感染嘅原因，因為體內水分流失，令陰部內壁嘅濕潤度下降，保護力亦同時降低，增加交歡時細菌入侵嘅機會。另外，濕潤度下降，交歡時亦會令快感冇咁強烈，所以博士呼籲女性們應該喺事後去廁所，有效將細菌透過排尿沖走，不過博士補充話千祈唔好因為咁而忍尿，一句講晒，順其自然。
男人梗係要做個「硬」漢子，之不過英國一個調查就發現當地有15%男士因為自己唔夠「硬」而苦惱，另外亦有近三分之一女士因性趣下降而感憂愁，咁點算好？當地兩性健康專家Anita Clayton博士表示可以透過日常飲食改善情況，只要吸收足夠鐵質就可以令性慾保持高水平，至於邊樣食物提供足夠鐵質呢？就係紅肉同菠菜。另外，銀杏葉亦係一種可以增加男士硬度嘅營養來源。Anita Clayton博士話最好就係平時Keep住食用，因為營養需要時間消化同吸收，唔好妄想喺做愛之前食，跟住就會即刻有效，此外仲要多做運動，因為運動可以促進健康同減壓，令人喺床上有更佳表現。
睇日本AV某程度上可以從中了解到日本人嘅文化，例如早年興起「團地妻」系列，事實上又真係有唔少住喺公寓嘅人妻，因為老公返工由朝做到晚，返到屋企又唔願做愛因而芳心寂寞，結果搭上其他男人嚟得到慰藉。至於辦公室系列當中，由女優飾演嘅OL好多都勾三搭四，而事實上亦相距不遠。早前日本進行咗一個調查訪問咗480人，目的係想了解當地嘅公司入面有幾多人與同事發生不倫之戀。男職員方面，有五分之一曾經與女同事發生過關係，至於女職員則有四分之一。而現時正係日本招聘新員工嘅季節，調查亦同時針對呢方面而進行，受訪者當中有17%表示曾經與新同事發生過一夜情，與新同事交往嘅亦有11%。據講新同事之所以成為舊同事嘅「搵食」目標，好多時都因為新同事上班之後一定會開歡迎會，大家大吃大喝，飲得酒多自然容易「成事」。
撰文：賢