男女相處之道在於溝通同體諒，喺感情上可以遷就，喺床上又得唔得呢？有唔少人就係因為同伴侶性生活不協調而搞到關係破裂。左擁右抱係男人都想，調查發現逾半日本男士鍾意玩3P。體位千變萬化，到底邊一個體位最受歡迎呢？
正所謂男追女隔重山，男仔要得到女仔嘅芳心唔係咁易，除非你係高富帥啦！一般男仔要對女仔百般呵護同遷就，甚至奉獻金錢同送禮物。之不過，男仔肯為女仔付出咁多，但係女仔好多時都未必會將心比己，盡量滿足對方嘅需要，尤其係性需要，咁可能同彼此性慾上出現差距有關。性慾上嘅差距到底對男女關係影響有幾大呢？日本就有一個相關嘅調查，訪問咗1,352名年齡介乎20至60歲嘅男女，約有1成表示曾經試過因為同伴侶出現房事不協調而搞到關係破裂。咁男女上床密度要幾多次，先可以喺彼此嘅性需要上取得平衡呢？逾半數受訪者都表示每周上床兩次係可以接受嘅密度。
小弟思想一向都好保守，喺男女感情以及房事方面亦係一樣，每次見到AV片中出現多P場面，我都唔係咁鍾意，如果要我好似AV男優咁玩3P，我一來應付唔嚟，二來接受唔到。之但係，日本男士卻對個人體力相當有自信，同時喺床上亦相當貪心。早前一部叫《LOVE 3D》嘅情慾電影喺當地上映，喺記者招待會當中，製作人講解戲中情節點解會有咁多3P激戰場面，佢表示拍呢部戲之前做過資料搜集，仲訪問咗唔少男女進行統計，問到男士們想唔想學AV咁嚟個兩女一男3P，有53%答想。至於女仔方面又點呢？受訪女仔當中有13%表示，如果對方想玩3P的話，亦都會接受要求，睇嚟唔少日本女仔都幾隨和喎！
啲女仔成日都話要男女平等，其實咁樣只不過係想男伴遷就佢哋嘅藉口，實際上又唔多會掉番轉頭對男方平等少少，例如出街食飯消費，通常都會由男方全數埋單，而喺床上亦只會要求男方全程出力。女士們如果心中有愧，自覺對男伴唔夠體貼，大可以參考一下由外國網站Women's Health嘅一個調查報告，佢哋訪問咗800名成年男士，希望了解一下男士們認為邊招床上體位玩得最爽，獲投票成為季軍嘅係正常位，亞軍係女上男下嘅騎乘位，至於最多男人鍾意嘅就係後進式，有受訪者表示呢招除咗夠爽，仲可以令女方快速達到高潮，話到底都係為咗令女方開心，大家話男人係咪好偉大呢！
撰文：賢