呢個世界嘅內幕真相每每令人意想不到，好似早前北京有間酒店發生一名女子被人箍頸事件，而呢件事嘅背後，竟然同派發色情卡片集團有關，甚至跟唔同方面有千絲萬縷嘅關係，試問一件事情背後竟然別有內情，又叫人點估得到呢？
早前北京和頤酒店發生女生遇襲事件，起初唔少人以為係一宗襲擊案，經過調查後卻發現，原來同派發色情卡片集團有關。據稱涉案嫌犯李姓男子糾同其他人組成卡片招嫖集團，事發當晚佢之所以襲擊女事主，皆因誤以為對方係同行。由於擔心對方會影響自己嘅生意，諗住將對方拖離酒店，卻估唔到因而引起軒然大波。喺好多人眼中，派發色情卡片嘅人不過係臨時工，點解對生意咁着緊呢？事實上，派發色情卡片只係色情集團其中一部分工作，整個集團嘅架構可謂複雜同嚴謹，當中包括分層同分區嘅管理人、打手、司機、化妝等，當中更牽涉到色情工作嘅營運。另外，有酒店雖然不滿佢哋喺酒店橫行嘅做法，但為免惹麻煩，只好一直忍讓，甚至有部分酒店參與埋招嫖活動。因為咁嘅緣故，所以當佢哋見到酒店出現同行喺度拉客時，便會採用暴力手段制止。
半夜三更喺一間夾公仔店竟然有唔少衣着火辣嘅女子出入，更有唔少男士進進出出，唔通佢哋都鍾意夾公仔？唔使問，當中一定有景轟！原來喺呢間位於台灣新北市樹林區嘅夾公仔店背後，有位阮姓女子暗地裏開設咗一間主打越南籍女郎提供半套服務嘅色情按摩室，佢之所以揀選呢個地方做生意，原因好簡單，就係因為睇中前面嗰間夾公仔店可以做掩飾。至於營運方法，就係由阮女租屋後喺網上登廣告，並且接聽玩家預約電話，每次喺1,500新台幣（約375港元）半套服務費中，抽佣500新台幣（約125港元）。由於夠隱蔽關係，故此按摩室相當旺場，凌晨時分有唔少玩家幫襯。不過正所謂紙包唔住火，當地警方發現網絡上有玩家分享呢間按摩室嘅情報，於是採取放蛇行動，將店內阮女一干人等逮捕歸案。
如果問家陣日本邊類型嘅風俗店最受玩家歡迎嘅話，梗係人妻熟女風俗店啦！皆因呢類型風俗店收費夠平，對於荷包唔係咁鬆動嘅玩家嚟講，真係幾抵玩。其他類型嘅風俗店為咗可以突圍而出，唔想畀人搶晒啲客，於是諗出新方法，務求可以喺狹縫中求生。好似呢間位於大阪日本橋嘅M系風俗店「姐妹俱樂部」，一直以M男玩家為服務對象，以平價吸引客人捧場，最基本45分鐘服務套餐收費只不過係10,000日圓（約700港元），加埋其他雜費都係1,000港元有找，確實夠晒經濟兼實惠。另外，玩家可以17,000日圓（約1,190港元）享受到50分鐘雙飛服務，再加埋各項雜費都係1,400港元左右，如此性價比係咪大滿足先？
撰文：魂