又係一個續集作品？須知道做生意嘅嘢梗係要食住個勢，眼見前作受歡迎，又點可以唔乘勢推出續集呢？繼去年8月底推出《戀愛與魔法與管理人～戀愛連鎖篇～》後，由於大受歡迎，故此成人遊戲開發商Prometheus宣布，今個月推出續集《戀愛與魔法與管理人～命運的齒輪篇～》。集合戀愛同魔法元素嘅新作，故事將會繼續喺學生宿舍發生，並且加入新角色。喺私立葉月學園就讀嘅大地尊，喺新學期受學園理事長之命，成為學生宿舍管理人。不過一直以嚟，大地尊因為自己所擁有嘅特殊能力，而刻意同其他人保持距離，及後佢慢慢習慣宿舍生活，更同一眾美少女建立起好似家人般嘅關係。正當大地尊享受呢種生活嘅時候，一眾美少女卻唔係咁諗，佢哋好希望能夠同大地尊有更加「深入」嘅發展。點知埋喺宿舍後院嘅一本書中，突然飛咗一位可愛美少女出嚟，究竟佢係邊個，同埋佢將會帶畀大家生活同戀情上乜嘢變化呢？