適時解放 慾海奔往

最激演出

日本藝能界有好多不同類型嘅組合，成員們合作無間，將娛樂性發揮到最高，不過長路有盡時，組合好多時卻因不同原因而解散。各散東西後成員往往發展各異，好似前日本藝能界搞笑組合魔女KO咁，兩位成員永澤沙耶佳同伊藤詩穗乃拆夥之後，前者好似失咗蹤一樣，而後者就喺寫真界發展順利，最近詩穗乃仲有突破性寫真演出，大家記住要捧場呀！

伊藤詩穗乃擁有一派成熟而妖艷嘅面孔，本來已經相當有吸引力，更難得嘅係佢身高5呎7吋，高挑之餘，仲有一對純天然G奶，憑住呢副絕妙胴體，喺寫真界成功殺出一條血路。呢本寫真集《SECRET ZONE》就係詩穗乃嘅最新作品，當中佢以一貫露出度高嘅衣着登場，仲有好多全裸演出，雖然一點都冇露，但係大家都可以從不同角度欣賞到詩穗乃嘅豐乳玉臀以及長腿，激情度同吸睛度一樣高企！

書名：《SECRET ZONE》

售價：約HK$230

不道德「交往」

「交往」呢個字好使好用，正常朋友交往又得，發展婚外情又得，一句交往交代一切！但愈係神秘就愈想拆穿，正如暢銷書作家Jay Crownover嘅最新情慾小說《Charged: A Saints of Denver Novel》故事集浪漫、激情、懸疑、黑暗於一身，錯綜複雜嘅「交往」令男女不能自拔。故事講述有型靚仔律師Quaid Jackson，本來同一位壞女孩Avett Walker過住絕無交叉點嘅生活，無奈Avett生性反叛，外表標奇立異，一頭粉紅色頭髮，感情路上經常遇上錯嘅男人，因為一次意外，佢需要搵律師幫忙，於是認識咗Quaid。表面上為客戶提供法律意見，其實靚仔律師內心潛藏一股強大犯罪心理，有緣遇上眼前呢位憤世女孩，律師除咗瞓身幫忙，私底下想了解更多，最後發展到床上關係。

男嘅想做壞人，女嘅以為遇到筍盤，即使女方知道被人利用當洩慾工具亦無諗過反抗，反而喺床上盡情滿足對方，希望對方有朝一日會愛上佢。及後男方喺工作上認識到闊太客戶，兩人好快就開始交往，Avett發現之後，更感覺到男方準備將陰暗一面施展喺闊太身上，究竟佢會任由對方一錯再錯定出手阻止呢？

書名：《Charged: A Saints of Denver Novel》

售價：約HK$92

瘋狂性愛事件簿

如果認為性愛世界係好簡單，自問睇盡歐美日嘅AV，對性愛事情瞭如指掌嘅話，當睇到呢本由日本團體所編集嘅著作《不正常性愛事件簿：最不想發生在自己身上的瘋狂性愛實例》時，就會發現原來性愛世界千奇百趣！日本團體幽默人俱樂部將古代至現今，從東方到西方嘅各種跟性愛有關嘅故事集結成書，以人類探索嘅角度為大家帶嚟各種性愛不尋常事，透過各種事件以勾起大家嘅好奇心，豐富嘅內容令人嘆為觀止，好似一個喺8個半鐘頭內跟251人曳曳嘅女性故事、為咗證明對老婆嘅愛竟然吞下8個電燈膽嘅男人、連續20年錄低自己做愛聲音嘅性愛狂等。如果覺得仲未夠喉嘅話，可以同大家分享書中其中一個故事，話說有個男人因為早洩問題而被老婆告上法庭，為咗挽救婚姻，男方努力鍛煉自己最終成為性愛超人，點知最終仍要同老婆離婚，皆因佢鍛煉過度變成一個只識以下半身思考嘅男人！唔理大家信唔信，反正書中所收錄嘅每個故事都超乎大家嘅想像，問題只在於你嘅想像力有幾強。

書名：《不正常性愛事件簿：最不想發生在自己身上的瘋狂性愛實例》

編者：幽默人俱樂部

譯者：凌虛

售價：HK$73