好多男人都介意自己嘅小弟弟體積，有研究表示令女方達到高潮其實同大細無關。此外，男士們亦會介意床上持久力，究竟平均做愛時間係幾多呢？要成功溝女係咪一定要有車有樓呢？未必，因為女士最注意第一次見面時嘅印象。
早前有新聞指出有後生仔因為平時鍾意睇住鹹片嚟自娛，繼而習慣成自然，到佢同女友上床嘅時候居然會出現不舉嘅情況！老實講，男士們可能亦會發覺兩者的確有分別，分別在於高潮嘅質素，好多時有鹹片睇卻可以得到最爽嘅高潮。印度醫藥大學就有研究過箇中道理，表示男士們要達到最強高潮，其實係精神大於肉體，即係話如果有方法令佢哋精神亢奮，高潮時得到嘅快感就愈強。至於女性方面，都要有一定精神上嘅刺激先可以得到高潮，而且同男士們嘅小弟弟大小無關，最重要係喺抽送之時對陰蒂作充分刺激，體位如正常位同騎乘位都能夠增加刺激陰蒂嘅密度同強度，而唔係一般傳聞所講嘅後進式喎！
玩槍戰遊戲，開槍快而準當然有優勢，不過喺床上好多男人都怕被人話係「快槍手」，因為房事持久力不足難以滿足到女方，亦令男人大感自卑，到底做愛時間要有幾多分鐘先為之達標呢？一個調查就請來500對情侶，佢哋來自世界各地，研究人員就收集佢哋嘅房事所需時間作為統計，點計算時間呢？研究員會將儀器交畀男方套上小弟弟，咁就可以計算到由第一次進入到洩射嘅所需時間喇！結果得出呢500對情侶嘅交歡時間差異都幾大，由33秒到44分鐘都有，而平均交歡時間係5.4分鐘。至於各國嘅交歡時間喺研究報告當中就冇被詳細公布，除咗土耳其，報告提及土國人嘅交歡時間平均得3.7分鐘，各位港男如果持久力長於此時間，咁就可以自誇強過歐洲人喇！
本港有份人口相關嘅調查報告，發現女多男少嘅情況愈趨嚴重，換言之各位男士想溝女就變得更容易。之不過，大家都唔好「坐定粒六」，以為自己大把選擇，因為你揀人，人揀你，想奪得心儀女仔歡心都係要花少少心思。喺溝女之前大家就先睇吓來自日本嘅呢個調查先啦！調查訪問咗129名日本成年女性，有73%表示想佢哋受溝，男仔畀佢哋嘅第一印象一定要良好，咁點先算係良好呢？當中最多人答嘅就係歡喜融洽嘅氣氛，其次就係笑容，第三就係整潔嘅儀容喇！大家睇到啦！想成功溝女，就唔好成日留喺屋企，多啲出席聚會，仲要執靚個樣同保持笑容呀！
撰文：賢