生活淡淡似是流水……人生在世唔使成日都咁刺激，細水長流先係硬道理。同樣，成日欣賞身材火辣嘅巨乳系寫真女郎有時都會感到厭倦，今日就介紹一個清楚系知性美人畀大家，佢個名叫做石原溫美。
日本寫真界嘅美人種類包羅萬有，有童顏巨乳，亦有貧乳而姣到出汁嘅女優，如果要我從芸芸美女之中挑選一個做老婆雙宿雙棲，我一定唔會感到迷惘，因為石原溫美呢種充滿知性美嘅女仔就係我嘅不二之選。
年屆30歲嘅溫美五官標致，女人韻味十足，帶有一種賢良淑德嘅氣質，兼且具有迷人嘅知性美，娶佢做老婆一定將頭家打理得井井有條，等我可以無後顧之憂咁上班打拚！返到屋企仲有餐安樂茶飯。溫美除咗出得廳堂，相信一定可以將美色照耀閨房，雖然佢副胴體唔算得上超級火辣，但係勻稱而婀娜迷人，個人認為呢種身材先係最吸引，加上肌膚白滑，誘惑味道絕不遜於巨乳系女優。
石原溫美喺2003年參加鄉下大型祭祀活動嘅時候，被藝能事務所星探發掘做模特兒，當時佢讀緊高中，藝名叫栗田梨子。憑住美貌同雪白胴體，成為寫真界一道清泉，更為業界注入一股生氣，獲得好多演出電視節目機會。之不過，密密麻麻嘅拍攝工作令溫美吃不消，搞到一時之間諗唔開要引退。
離開寫真界之後，溫美轉投服裝界，開頭都做得幾開心，後來佢每次睇電視都諗起自己曾經喺螢幕同大家見面，於是生起復出念頭。重新加入藝能界後發展一帆風順，除咗繼續以美色誘惑觀眾，仲擔任電視節目主持，近期佢四圍外出又釣又燒，包括演出介紹釣魚勝地嘅節目《大人釣魚俱樂部》以及介紹燒肉店嘅《燒肉最高幕集》；另外，溫美亦算係半個記者，唔少公開活動都可以見到佢進行採訪，認真多才多藝！
簡介:從石原溫美嘅博客當中，可以見到佢成日都出外景拍攝嘅花絮，每次都睇到佢玩得不知幾咁開心，Click上去睇一睇，除咗了解到溫美嘅工作情況，仲會受到其開心心情所感染。
網址：http://ameblo.jp/ishihara-atsumi/
年齡：30歲
身高：5呎3吋
三圍：33-24-34
撰文：賢