這個澳門浴室的囡囡好面熟，其實這情況很常有。第一，可能見女太多而出現混亂，自以為遇過其實卻沒有；第二，真的見過她，只是一時無法想起之前在哪裏遇見。這樣的狀況，直接問囡囡的話，她們一般都會裝傻，所以就直接問相熟的經理好了，果然……「個女好耐（口架）啦，前前後後起碼都6至7年，不過就一直都來來去去囉，有時嚟做幾個月，然後又消失半年咁，而且佢整個吓，所以都幾易認錯。」經理說的「整」，就是整容，這種風氣在一些澳門囡囡圈中盛行一時，她們覺得是潮流，而且有閒錢的話，又何妨？
她這麼資深，年紀也不小吧！經理點頭，「個女係唔細（口架）啦，啲人話佢早兩年仲同個客生咗個女，個客原本畀咗筆錢叫佢唔好要，點知佢死都唔肯，後來生咗，個客就失咗蹤，佢就帶個女返鄉下畀屋企人湊，自己就繼續搵食，不過佢一向都唔係好積極，做吓又走吓，我估佢都唔係搵到太多錢！」
經理說，澳門的囡囡，最好彩就係遇到個有少少錢的男人嫁出去，不過唔好彩佔大多數；錢來錢去到最後青春消失，剩下的，只是燈紅酒綠的回憶。
撰文：黃韋龍