時代進步，唔單止男仔鍾意睇鹹片，女仔一樣有興趣，最近一個知名鹹片網又有一系列有關女性用家嘅統計數據公布，大家一齊嚟睇吓不同國家嘅女仔有乜性趣。對於鍾意上床、性技了得嘅醜女，同性冷感但係就好索嘅女仔，唔知大家會點揀呢？偷窺唔係一種良好行為，之不過喺加拿大卻有好多人有此癖好。
每個人嘅行為都可以反映出佢哋本身嘅性格同愛好，近期知名嘅國際級鹹片網站「Pornhub」又有新一輪統計數據發表，今次佢就集中於統計來自各國女登記用戶睇鹹片嘅喜好。網站表示女性用戶數目佔總用戶嘅四分之一，可見家陣嘅女士們都相當鍾意睇鹹片，另外網站負責人亦表示女用戶睇鹹片主要係為自娛嘅時候提供刺激。負責人同時亦發表咗不同國家女性最鍾意睇邊一類作品，英國女仔可能受到知名小說《格雷的五十道色戒》嘅影響，最鍾意睇綑綁作品；至於俄國女仔就鍾意睇暢遊後花園系列，嘩！都幾重口味喎！亞洲女性普遍喜歡睇卡通鹹片；專門拍畀女士睇嘅鹹片則為蘇格蘭女士嘅最愛，北愛爾蘭就最愛熟女系列，威爾斯女仔對十八廿二嘅青春少女片情有獨鍾。如果大家有興趣去上述幾個地方識女仔，不妨參考一系列數據投其所好喇。
每件事情都有其因果關係，例如小弟因為被人話肥仔溝唔到女而去減肥，決心去減肥但最後失敗結果都係溝唔到女。而日本女仔之所以精通化妝扮靚以及Keep Fit，亦絕對有原因，我相信係大部分日本男人都以貌取人，只會對索女有興趣，點解我可以講得咁言之鑿鑿？因為有數據支持囉！早前日本一個調查，喺新宿、涉谷、秋葉原、新橋及上野等5個地區訪問咗一班成年男士，問佢哋如果要喺一個好索但係性冷感，及一個醜樣但係精通床技嘅女仔之間二揀一，佢哋會點選擇，結果佔64%男士答會揀前者，其中有人話如果係面對醜女的話，根本連上床嘅興趣都冇，咁又點會試到對方床技精湛喎！咁又啱喎！至於揀醜女嘅受訪者當中，有人就表示對方可以考慮整容，唓，咁咪又係以貌取人囉！
唔少夫婦相處日久，好容易就會進入倦怠期，大家唔單止說話唔多，甚至停止房事。而為咗令進入倦怠期嘅關係得以刺激，有夫婦會嘗試一齊睇AV同使用情趣用品搞吓新意思，希望重燃性愛火花。之不過，喺加拿大一個調查就顯示，當地嘅成年男女係就係鍾意睇AV，不過係睇真人AV，即係搵人上床畀自己偷窺。一個叫做The Journal of Sex Research嘅研究機構早前就訪問咗1,000位成年男女，發現當中有46%有奇特嘅性幻想，就係親眼睇住其他人做愛畀自己睇，當中有35%已經試過咁樣做添！原因係希望同伴侶從呢種偷窺別人做愛嘅過程當中，從倦怠期當中提升性趣喎！其實唔使咁麻煩吖！家陣出咗咁多VR睇片工具，睇鹹片好似親歷其境咁，咁就可以解決問題喇！
撰文：賢