四仔造假其實大家都接受，但可唔可以有底線，唔好乜都存心欺騙呢？好似近日有單料，話說本屆「Girl/Girl Performer of the Year」得主Vanessa Veracruz有新片推出，傳媒幫手大力催谷，其實片正就假嘅，最重要係後面嗰啲捐獻有錢搵至真！
對網友嚟講，女同（Lesbian Porn）係當今最多人搜索嘅關鍵字之一，淨係計美國地區都排第3位，就知有幾多人Like啦！如果唔係各大片廠點會喪出女同片呢？假如你有留意呢一年美國四仔發展，不難發現女同製作成本比男女片高幾倍，但今日唔係講片，主要係講女同，主角係本屆XBIZ頒獎禮Girl/Girl Performer of the Year得主Vanessa Veracruz。話說每年四仔廠Elegant Angel定必拉齊各大相關女同「得獎脫星」拍片，今年亦唔例外，身為女同大獎嘅Vanessa更係封面女主角之一，睇番過去5年，呢套《Lesbian Performers of the Year》銷量都係麻麻哋，唔係因為啲女唔得，而係只有得獎脫星登場令客路有所規限。而咁多女同脫星中，偏偏重點只落喺Vanessa就有啲古怪，單係呢套四仔，阿妹已先後接受3間成人傳媒訪問，外人覺得冇特別，其實「魔鬼」喺訪問細節裏呀！
簡單解構一下《Lesbian Performers of the Year》，出場脫星包括有Sasha Heart、Tanya Tate、Jayden Cole、Vanessa Veracruz、Raven Rockette、Tara Morgan、Jenna Sativa及Pat Myne剛好8位，兩人一組，跳舞兼互磨，喺四仔都算正常，問題係其他脫星從未見有訪問囉！喺舊年11月Vanessa Veracruz喺個人網站發起一個叫LVLZ Girls組織，小弟當日都有報道，而LVLZ Girls囡囡有5位，包括Shyla Jennings、Kenna James、Bree Daniels、Karlie Montana及Vanessa本人，5位「女同中人」當日話要搞四仔革命，由佢哋瞓身拍女同片。而出錢就交由全球網友，有心人可以上網站「捐獻」，當時阿妹仲大口氣話要喺2016來臨前籌得10,000美元，結果到今年2月中，Vanessa於個人網誌公布籌得21,620美元（折約HK$168,636），超額完成梗係掂啦，但點解到4月都仲未有片出嘅，答案睇阿妹個Blog，佢日日話做「製作」背後好多嘢煩，要請人度橋乜乜乜，現時勤力物色中喎！幾時有片出？唔知！
呢個「性愛企劃」一直實行中，lvlz.com網站依舊，5件女依然喺度，捐獻就更多多益善，但再深入啲睇埋5件女各自官網，哈！唔好意思，錢就收咗，自摸片都冇段出街囉！唔係想講LVLZ Girls存心欺騙，但冇辦法，成單嘢係得Vanessa Veracruz一個人出過聲，好難令人唔懷疑囉！
撰文：祖